Guwahati, Risaw 15 :Ka jingioh kurup drok naduh u bnai Jymmang 2021 na ki bynta jong ka Assam kala kot sha ka T.900 klur, ong u Myntri Rangbah (CM) Himanta Biswa Sarma.
Haduh 6800 ngut ki brie kila shah kem noh ha kaba iadei bad ki kam drok ha Assam naduh u bnai Jymmang 2021. “Ka sorkar Assam ka dang iai bteng ia ka thma pyrshah drok ka jong ka,” ong u CM Himanta Biswa Sarma.
Nalor kata na ka liang u CM ka Assam ula ong ruh ba ka sorkar kala shim ia baroh ki lad ki lynti ha kane ka thma pyrshah drok da ka jingthmu ban pynlong ia kane ka jylla kaba lait na u drok.
Shuh shuh ula ong ruh ba na ka liang ki bor pulit ka Assam kila trei borbah ha kaba iadei bad kane ka thma pyrshah drok ha ka jylla.Ki bor pulit ka jylla kila ioh ban kurup ia bun bah u drok uba shongdor da ki klur tyngka lyngba ki jingkhynra ha ki bynta bapher bapher jong ka jylla.
