Shillong Risaw 23: U Briew uba la donkti ha kaban ot da ka tari kaba nep ia u ryndang jong u khynnah rit ha u snem 2022 ula shah rai pynrem ha ka ïingkashari bad la hukum ban set 6 snem ha phatok, da ka District and Sessions Court, Shillong.
Une u nongleh kam runar udei uba la tip kyrteng kum u Deepak Debnath.
Katkum ka kyrwoh na u SP ka East Khasi Hills u Vivek Syiem, IPS, ia kane ka Case lah register ha ka 22 tarik u Nailar 2022, hadien ba lah ioh pdiang ia ka ejahar ha Bholaganj P.O.P kaba la kynnoh ba u Debnath ula pyrshang ban shim ia ka jingim jong u khun shynrang jong une u nongujor.
La register ia ka case ha Shella P.S Case No. 24(08)2022 hapoh ka Section 307/326 IPC bad la kem noh ia u Debnath. Hadien ka jingtohkit bad jingpyndep ia ka chargesheet 10 tarik u Rymphang 2023.
Ha ka 7 tarik u Risaw 2026, ka iingkashari jonga ka District and Sessions Judge, East Khasi Hills, DR Kharbteng, la rai pynrem ia u Debnath ha ka Sessions Case No. 04(T)2023.
U lah shah hukum ban shah set 6 snem ha phatok bad ka shah daiñ kuna T.10,000 hapoh jong ka Section 304 Part II IP, bad ban shong phatok sa shi bnai lada jia ba ym siew ia katei ka jingshah daiñ kuna.
Ia kane ka jingjia la tohkit da u UBSI R. Ranee bad mynta u don ha Mawdiangdiang OP, Shillong.
