Shillong, Risaw 08 : U Symbud Myntri Rangbah ba khmih ia ka District Council Affairs Bah Prestone Tynsong ha ka sngi Palei ula pythikna ba ia ka Land Bill bala mynjur da ka Khasi Hills Autonomous District Council (KHADC) lah dep ban pynphai biang ba kan shong bishar bha.
U pyntip ba ia kane ka bill la pynphai na ka Sorkar Jylla bad kumjuh ruh u Lat ha ryngkat ki jingkynthoh.
“Kaei kaba long mynta ka long ba ngi la pynphai ia ka. Na ka liang ka Sorkar bad u Lat ka Jylla ruh ngi la ia pynphai ha ryngkat ki jingkynthoh” ong u Bah Prestone.
Ula bthah ia ka KHADC ba kan pynshai ia ki jingkynthoh bala pynpaw.
“Kumta, sngewbha kylli na ki” ula bynrap.
