Shillong, Risaw 01: U general secretary ka KSU u samla Reuben Najiar u la kynthoh pyrshah ia u Symbud Myntri Rangbah ka Jylla bah Prestone Tynsong halor ka jingkren jong u ba ka Food Court ha Umling kan don beit.
“Wat blah blah khlem da tip. Ngi don ki kaiphod naduh u snem 2016 ba wan ka MRSSA, bad ha u snem 2019 ba sdang treikam haduh mynta,” la ong u samla Ruben.
“Nyngkong peit bniah kumno ki kaiphod ki long bad kumno kata ka Food Court ka long. Ka jaka naka bynta ka Facilitation Centre kadei kaba rit hynrei ka jaka naka bynta ka Food Court ka long kaba heh,” u la ong haba buh jingkylli ia ka jingbuh hakhmat eh ia ka Food Court ban iaka jaka ban talasi iaki ba rung ba mih.
U samla Reuben u la ong ba ka jingdonkam ban don ki jaka talasi kiba paka ka long kaba kongsan bha khamtam namar ka jinglong jingman ha Bangladesh.
“Lada ki don ki jaka talasi, ki ba wanrung beain ki lah ban shah kem, hynrei ka Sorkar kam pyrkhat na ka bynta ka jingshngain jong ngi, ka pynslem ia ki ain kiba la don lypa, ka pynsniew ia ki bad kam pyntreikam ia ki,” u la ong.
U la ong ba ka sorkar ka dei ban pyndep ia ki jingkular jong ka, kynthup ban pyntreikam ia ka Facilitation Centre mynta u snem, lada kam lah ka seng kan pynjur ia ka jingiakhih.
