Shillong, Nailur 16 : Ka Kynhun Myntri ha ka sngi Ba-ar kala pynkylla ia ka Meghalaya Film Tourism Policy, 2025, haba pyniasoh ia ki jingai jingmyntoi sha ka jinglah pyniaid iew ba kham heh bad ka jing kyniew ia ka ktien lajong.
U Myntri Rangbah Conrad K Sangma ula ong ba ka policy ban pynshlur ia ka jingring phlim ha Meghalaya ka donkam ia ki kyndon kiba kham bniah.
“Ngi la wanrah ia ki jingpynkylla kiba rit ban nang ai jingshai shuh shuh ia baroh ki bynta kiba donkam” ong u Conrad hadien ba dep pyniaid ia ka jingialang ka kynhun Myntri.
U iathuh ba ka jingai song jingkyrshan ba T.1 klur na ka bynta ki phlim bala shna ha ki ktien jong ki thain riewlum bapher bapher ka long salonsar palat mynshuwa.
“Ngi la pyrrkhing mynta bad kaba kham treikam bha. Ka phlim ka dei ka ban hap screen ne pyni ha kumba 100 tylli ki theatre lane buh ha ki rynsan national OTT ba kin ioh ia ka song” ula ong.
Na ka bynta ka T.10 lak ka song jingkyrshan halor ka Hello Meghalaya, ka Sorkar kala weng noh ia ka kyndon ba pyrrkhing ba kan treikam thik tang ha ka Hello Meghalaya.
“Mynta ngi la ong ba ka dei ban long ha ka Hello Meghalaya, hynrei ka lah ruh ban iaid ha ki rynsan National, da ka kyndon ba dei ban hap pynkylla sha ka Khasi bad Garo na ka bynta ka Hello Meghalaya” ula bynrap.
