Imphal, Nailur 2: Ha ka jingjia kaba kongsan ha ka saiñ pyrthei, arngut ki nongthaw aiñ jong ka Kuki-Zo ha ka sngi Balang ki la rung sha ka Ïingdorbar Thawaiñ jong ka Manipur ha Imphal ha ka sien kaba nyngkong naduh ba la mih ka jingïakynad hapdeng ki ar jaidbynriew ha ka Jylla ha u bnai Jymmang jong u snem 2023.
Ha kane ka sngi ki la wan poi ha Assembly complex ba kynthup ia u MLA ka Saikul u Kimneo Haokip Hangshing bad u MLA ka Saitu u Haokholet Kipgen ban iashim bynta ha ka dorbar kaba phra jong ka iing dorbar thawain ka jylla Manipur kaba 12.
Watla hynriew ngut ki nongthaw aiñ jong ka Kuki-Zo ki la ïashim bynta ha ka dorbar kaba la dep ha u bnai Lber, hynrei ka sngi Balang ka dei ka jingwan mih da lade kaba nyngkong eh jong ki MLA jong ka Kuki-Zo sha ka Ïingdorbar Thawaiñ ha Imphal naduh ba la sdang ka jingïakynad.
Ka jingïashim bynta jong ki hapdeng ki jingïakynad hapdeng ki jaitbynriew kiba dang ïai bteng bad ki jingdawa na ki kynhun Kuki-Zo na ka bynta ka jingpynbeit kyrpang ha ka liang ka synshar khadar.Ka dorbar kaba phra la buh ban bteng haduh ka 7 tarik u Nailur.
