Mawkyrwat, Nailur 2 : Uwei u rangbah ula iap hashen ha ka jingthung baji ka kali maruti 800 ba u niah ha surok ban leit sha Riangmaw, kaba hap hapoh u pud u sam ka shnong Jakrem, South West Khasi Hills.
Kane ka maruti ka don ia u nombor ML06-A-3406 bad kane ka jingkylla la sub aba kala jia hadien ba u nongniah ula leit tynrah ia u maw ba don harud ka surok, ha ka jaka bala tip kum ka Dom Kyllai Myrsiang.
Kat kum ka khubor Pulit, u nongniah jong kane ka kali ba kyrteng u Plidorlang Iawphniaw, 28 snem ka rta na ka shnong Mawrap bad uba shongkha ha Rangmaw, ula khlad.
La iathuh ba kane ka jingjia kala jia ha ka miet 1 tarik Nailur 2026 ha ka por kumba 10 bae mynmiet. La iathuh ba u Plidorlang u dang wan na Iew Mawkyrwat da ka jingthmuban leit shala iing ha Rangmaw.
Ki Pulit kila register case ia kane ka jingjia bad ka jingtohkit mynta kala iaid shakhmat.
