Shillong, Nailur 02 : U Myntri Rangbah Conrad K Sangma ula kyntait ban kynthoh eiei halor ki khbor ba don ka jingiashrut hapdeng ki paralok ka kynhun synrop bad ong ba um don jingtip eiei nalor kiei kiba la pynmih ha ki lad pathai khubor.
U Conrad ula ong ba ka National People’s Party (NPP) ka don ia u paid ba bun eh ha ka kynhun synrop bad iai bteng ban iatreilang bad la ki jong ki paralok, haba ban jur ba ki kam pohiing kiba dei jong kano kano ka seng sain pyrthei ka dei ka kam ka bym iahap ban shu kren antad.
“Ngam tip ia ka jingshisha, kumta ka long kaba eh ia nga ban kynthoh” ong u Conrad haba kylli halor ka jinglah ban kynthih ki 9 ngut ki MLA ka UDP sha ka BJP.
U ong ba ka dang kloi palat ban iakren ia kane da kaba pynshong nongrim ia ki khubor kim bym pat lah ban pynshisha.
“Ia mynta, ngi dang iakren ha ka jingdum. Ngi la shu kynthih sha kaba kut bad ong ba lada kane ka jia” ula ong.
U Conrad ula bynrap ba ula pule ia ki khubor bala pynmih da ki kot khubor, ki news agency bad ki khubor online hynrei u khlem ioh satia ia kano kano ka jingtip palat ia kine ki khubor.
“Kaei kaba nga iohsngew ka shu dei beit na ki kot khubor. Nalor kata, gam don jingtip eiei ruh em” ula ong.
Ula ban biang ba kane ka kam ka dei ka kam iing jong kiwei pat ki seng sain pyrthei bad kumta, um kwah ban kynthoh eiei ia kane ka kam khamtam ba um don satia ia kano kano ka jingtip.
