-->

Theh ka Sorkar haduh T.750 klur sha ki jingtei ka koit ka khiah ha ki 5 snem | Hiar ka jingiap ki Kmie da 56%

Date:

Share post:

Shillong, Nailar 28 : Ka Meghalaya kala bynrap shuh shuh sa palat 1000 jingthiah bad kynshew jan T.750 klur ha ki jingtei ka koit ka khiah ha ki san snem bala leit noh, pyntip u Myntri ka Koit ka Khiah Bah Wailadmiki Shylla ha ka Iingdorbar Thaw Ain hynne ka sngi Thohdieng.

Haba jubab ia ki jingkylli halor ka koit ka khiah ha ka kynta kylli jingkylli, u Bah Wailad ulaiathuh ba ki jingkynshew kila lam sha ka jingbun ki nongwan sumar sha ki jaka sumar kaba kiew na ka 17 lak ha u 2017-18 sha ka 25 lak ha u 2025-26- ka jingkiew ba kot haduh 46.8%.

U pynpaw ba ka jingkiew ha ka jingdon ki nongiohbynta jong ka MHIS da 60% kala pyni ia ka jingnang kiew ka jingshaniah u paidbah.

Halor ki prokram ka koit ka khiah ki Kmie bad ki Khunlung, u Bah Wailad u iathuh ba ka Jylla kala pynlut T.120 klur ha ki saw snem, palat ban ia ka jingpynlut ka Sorkar Pdeng ba T.110 klur. Da ka MHIS, ka jingpynlut baroh lang kala kiew sha ka T.170 klur.

Advertisement

U Myntri u pyntip ba hapoh ka CM Safe Motherhood Scheme, ki Longkmie bad ki Khynnah kila ioh mynta ia ka leit ka wan ba khlem jingsiew-palat 1 lak trip ha ka shisnem-na ka kyndon ba mynshuwa kaba kynthup tang ia ka jingleit buh haba leit kha Khunlung.

Ban ialeh pyrshah ia ka jingkyntait ki Kmie ba kin wan sha ki jaka sumar namar ka jingsngewkhia ia ka sumar sukher ia ki Khun, ka Sorkar kala buh ia ki transit home ha kaba ki lah ban wanrah iala ki jong ki Khun.

Ki ASHA bad ki nongap ki ioh ruh ia ka bainong kaba long T.1000 ha man ka jingkha khunlung.

“Ka jingiap ki Kmie ba kha khun kala hiar da 56% hangne-ka sien ba nyngkong ha ka histori ka Jylla-ka jingiap ki Khunlung ka hiar da 40% na ka jingkhein u snem 2021” kam u bah Wailad.

U iathuh ba ka Mother APP mynta ka buddien ia man ki kynthei ba armet haduh ki shnong ki thaw bad la pynkylla ia ka MHIS ba kan treikam khlem ka jingdon pisa.

Hapoh u Lber 2027, u ong, ka Jylla kan don 121 tylli ki PHC, 35 tylli ki CHC bad 700 tylli ki Sub Centre, kaba tam ia ki kyndon ka Ri, bad mynta ka don bun eh ia ki First Referal Unit.

Share post:

-->
spot_img

Popular

More like this
Related

Lashai yn bishar u Magistor halor ka jingkynnoh lum pisa beain ki Pulit ha surok NH-Diengpasoh

Shillong, Naiwieng 15: U Majistor ka East Khasi Hills...

Kyrpad ka Sorkar Jylla ia ka JPC ban pynjem ia ki kyndon ka FCRA ba ktah ia ki kynhun Khristan : Tynsong

Shillong, Naiwieng 15 : Ka Sorkar Jylla kala kyrpad...

Khot u Myntri kam jngohkai ia ka JAC ban iakren biang | Wan da ka jingkloi ban sngap ym da ka jingbitar

Shillong, Naiwieng 15 : U Myntri kam Jngohkai Bah...

Ka Meghalaya Mental Health Policy 2022 ka model ia ki samla riewlum : James Sangma

Shillong, Naiwieng 14 : U MP ka Rajya Sabha...