Shillong, Nailar 28 : Ka jingkiew ha ka jingpynkha khun da kaba shu puid (caesarean) ha Meghalaya kala mih ha ka jingiatai hapoh ka Iingdorbar Thaw Ain ha ka sngi Thohdieng, bad ka Sorkar kala ai jingkular ba kan pynlong ia ka jingwad bniah kaba bniah bha.
U Nongialam ka Liang Pyrshah Mukul Sangma ula wanrah ia kane ka mat ha ka jingkylli bynrap hapoh ka kynta kylli jing kylli bad dew ia ka jingkylla ha ka rukom pynkha khun na kaba shu kha hi ka kmie sha ka jingsei ia I Khunlung da kaba puid.
Haba ai iala ka jong ka nuksa, ula ong ba ma u bad ki para ki dei kiba la kha hi ka Kmie ha Iing, hynrei mynta ka jingkha hi ka Kmie kala hiar bha bad ka jingpuid la pyntip ba kala jur bha.
Ula buh jingkylli la ka Tnad ka Koit ka Khiah ka don jingkhein ne em ban sngewthuh ia ka nongrim jong kane ka jingkiew ka jingpynkha khun ba shu puid.
U Myntri ka Koit ka Khiah Bah Wailadmiki Shylla ula jubab ba watla ka jingpynkha khun da kaba shu puid ka dang long hapoh ka national average, hynrei kane ka kam ka long kaba sngewkhia bha.
Ula ong ba ka Tnad kam jied satia ia ka jingpynkha khun ba shu puid laitnoh satang lada don ka jingeh ba ki Kmie kim lah ban shu kha hi.
U Myntri ula ong ba ki lah ban don shibun ki daw ha lyndet kane ka jingkiew, kynthup ba ki Kynthei kila kham tlot ka bor haba nujor bad ki por bala leit bad ba ka jingiapher ha ka jingkha khun haduh lai bad saw sien-ka ktah ia ka bor ka Kmie nalor kiwei kiwei.
“Ngin sa thaw ia ki lad kat kaba lah ban kiar na ka jingpynkha khun da kaba shu puid” ong u Bah Wailad
ha Meghalaya kala mih ha ka jingiatai hapoh ka Iingdorbar Thaw Ain ha ka sngi Thohdieng, bad ka Sorkar kala ai jingkular ba kan pynlong ia ka jingwad bniah kaba bniah bha.){kind=link}