Shillong, Risaw 10 : U Deputy Commissioner ka East Jaintia Hills hynne ka sngi nyngkong, ula pynmih ia ka hukum ba pynjari ia ka kyndon 144 CrPC ba khang pyrshah ia ka jingtih dewiong beain, ka jingkhaii beain bad jingtheh dewiong hapoh ka District.
“Ka jingtih dewiong thliew khnai kaba ktah jur ia ki paidbah bad ia ka mariang ka dei kaba la khang pyrshah da ka National Green Tribunal (NGT) ha u Iaiong 2014…kila don shibun ki jingtwa twa par ha ka District ha ka jingpyrshang ban tih beain ia u dewiong ha ka District wat hapdeng ka jingkhang” ong ka hukum.
Haba pyntreikam ia ka hukum jong ka NGT, u District Magistrate ka East Jaintia Hills ula khang ia ka jingtih dewiong thliew khnai ha baroh ki jaka ba hap hapoh ka East Jaintia Hills District bad ban khaii ia u dewiong khlem ka challan ne ki kot ki sla lane ka jingbit/licence bala ai da ki bor khmih kynthup na ka District.
U Deputy Commissioner ula ong ba ka jingpynkhein ia ka hukum kan khang ia ka jingshah pynsajia kat kumka kyndon 188 IPC nalor kiwei pat ki ain.
Kane ka hukum kan treikam mardor tad haduh da pynmih da kawei pat ka hukum.
