Senapati, Nailar 19: Ka United Naga Council (UNC) ka la pynpaw biang ia ka nongrim jong ka ba ym dei ban pynlong ia ka jingkhein briew lane ban pynbeit ia u pud u sam ha Manipur tad haduh ban da pyntreikam pura ia ka National Register of Citizens (NRC) ha kane ka jylla.
Ka council ka la pynkynmaw ba ïa kane ka kyrdan la buh mynshwa ha ka Joint Memorandum ba la ai sha u Myntri Rangbahduh ka ri India lyngba u Lat ka Jylla Manipur ha ka 3 tarik Jymmang 2024, ha ka jingïatreilang bad ka Coordinating Committee on Manipur Integrity (COCOMI).
Ka UNC ka la pynpaw ïa ka jingsyier kaba jur ha kaba ïadei bad ka jingwan rung be-aiñ sha Manipur kaba ïai bteng bad khlem da tehlakam na ki ri ba marjan, kynthup ïa ka Myanmar, Bangladesh, bad Nepal.
Katkum ka jingong jong ka council, ki phew snem jong ka jingwan buhai shnong khlem ain ka la wanrah ïa ka jingpynkylla kaba jur ïa ka jingbun briew bad ka jingïakynad hapdeng ki jaitbynriew, kaba la buh jingma beit ïa ka khyndew ka shyiap, ka jinglong kyrpang, ki marpoh khyndew, bad ki hok imlang sahlang jong ki jaitbynriew trai ri trai muluk.
Da kaba pynpaw ia ki jingbym iahap ha ki record jong ka sorkar, ka council ka la kdew ia ka jingkiew ha ka jingdon jong ki shnong ba la ithuh bad ki bym pat ithuh ha kylleng ki katto katne ki distrik haba ianujor ia ki jingthoh histori naduh u snem 1950–1969 bad ki jingtip jong ka khana samari jong u snem 2011.Ka UNC ka la pynpaw ia kane ka jingroi kum ka sakhi jong ka “jingwan hiar thma jong ki briew” bad ka la maham pyrshah ia ki jingpyrshang jong ki nongshong shnong beain ban dawa ia ki jaka ba kyrpang ha ka jingiatreilang bad ki bor pynthut.
Ban weng ia kine ki jingeh, ka council ka la buh ia ki jingdawa sha baroh ar ki sorkar pdeng bad sorkar jylla.Kine ki kynthup, Ban pynlong ain mardor ia ka NRC da kaba pyndonkam ia ka snem 1951, ban pynsangeh pura ia kino kino ki khana samari ha Manipur haduh ban da pyndep ia ka rukom treikam jong ka NRC, ban pynsangeh noh mardor ia ka jingpynbeit pud ia ka NRC lane ban thaw ia ka Assembly Constituency.Pynkut noh ia ka jingithuh lypa ia ki shnong khlem da pynshisha bha, ryngkat bad ka jingbuh ia ka snem ba shai ban bishar bniah biang ia ki jaka shong jaka sah kiba la don lypa bad ban pynduh ia ka jingithuh ia ki shnong kiba be-ain ne ki bym don bor.
Ka UNC ka pynskhem ba ka jingpyntreikam ia ka NRC kum ka sienjam ba kongsan ka long kaba kongsan bha ban pynneh pynsah ia ka lawei, ka hok, bad ka jinglong jong ki trai ri trai muluk jong ka Manipur, da kaba kyntu ia ka jingshim khia kaba kloi na ka sorkar.
 ka la pynpaw biang ia ka nongrim jong ka ba ym dei ban pynlong ia ka jingkhein briew lane ban pynbeit ia u pud u sam ha Manipur tad haduh ban da pyntreikam pura ia ka National Register of Citizens (NRC) ha kane ka jylla.){kind=link}