Shillong, Naitung 29: U Lat ka Jylla CH Vijayashankar u la kyntu ia ki khynnah ba kin bud ia ki thong jong ki da ka jingshaniah bad ka jingkut jingmut, haba iaroh ia ka bynta jong ki shlem ai jingiarap haka imlang sahlang ha kaban pynheh pynsan ia ki heprit kiba donkam jingiarap ba kyrpang.
Hon’ble Governor of Meghalaya, Shri C.H. Vijayashankar, received a delegation from the Meghalaya Hindu Mission Children Home at Lok Bhavan, Shillong. The Governor interacted with the children and conveyed his best wishes for the institution’s Centenary celebrations. pic.twitter.com/1w3zk3euem
— Lok Bhavan, Shillong (@lokbhavanmeg) July 29, 2026
Ïa kane u Lat u la kren ha ka jingïakren bad ka kynhun jong ka Meghalaya Hindu Mission Children Home, kaba la iakynduh ïa u ha Raj Bhavan Shillong haka jingdonlang u Additional Chief Secretary jong u Lat ka Jylla u HC Chaudhary, IFS.
Ka kynhun jong ka Meghalaya Hindu Mission Children Home ba kynduh ia u Lat ka kynthup 26 ngut ki khynnah haka jing synran da u Advocate R Paul uba dei u Assistant In-charge, ka Anita Deb kaba dei ka Case Worker, ka Shekar Mech kaba dei ka Warden, bad u KB Prasad Pandey uba dei u Nonghikai.
Ha kane ka jingiakynduh, u Lat u la kylli jingkylli ia ka jinglong jingman jong ki khynnah, ka jingnang jingstad bad ki jingangnud jong ki.
U la ai ka jingiaroh ia ka Meghalaya Hindu Mission Children Home kaba la ai jingsumar, jaka sah bad jingkyrshan ia ki khynnah kiba donkam jingiarap, bad na ka bynta ka jingnoh synniang jong ka sha ka roi ka par ba pura jong ki ha ki snem kiba la leit noh.
Ka Meghalaya Hindu Mission Children Home, kaba la seng ha u snem 1926, ka trei na ka bynta ka bha ka miat jong ki heprit bad donkam kyrkieh da kaba ai jingiada bad jingkyrshan ia ki khynnah.
Ka Hindu Mission Children Home ka la pyntip sha u Lat ba kane ka jaka pule kan rakhe ïa ka jingdap shispah snem jong ka ha u bnai Nailar 2026 bad ka la pan jingkyrkhu na u na ka bynta kane ka mawjam.
U Lat u la pynsngew ïa ka jingkyrkhu kitbok kitrwiang ïa ki khynnah na ka bynta ki jingpyrshang jong ki ha ka lawei bad pynpaw ka jingkyrmen ba kin nang kiew shaphrang ha ka pule puthi daka ba don ka jingkitkhlieh.
Ha kane ka sngi u Lat ula iashon dur lang bad ki khynnah bad ki nongialam ka Children’s Home kum ka jingkynmaw burom iaka iaka Meghalaya Hindu Mission Children Home.
