Tura, Naitung 29 : U Myntri Rangbah ka Jylla Conrad K Sangma ha ka sngi Balang, ula sam ia ki skhim kiba hap hapoh ka Chief Minister’s Special Development Fund (CM-SDF) ha ka jingialang kaba la pynlong hapoh ka Iingsah jong u ha Tura, West Garo Hills.
Handed over sanctions to various individuals, entrepreneurs, educational institutions, women groups, youth groups, etc from Garo Hills under the Chief Minister’s Special Development Fund (CMSDF) pic.twitter.com/2VkBQPaFhb
— Conrad K Sangma (@SangmaConrad) July 29, 2026
Haba ai jingkren ha ka jingialang, u Myntri Rangbah ula pyntip ba ka CM-SDF, ka dei ka skhim ka la bei na ka mang tyngka bala bhah sha ka Chief Minister’s Secretariat. U pyntip ba ia kane ka song pisa la pynmih khamtam ban kyrshan ia ki skhim kiba rit bad kiba iarap bha na ka bynta ki paidbah ha kylleng ki thain.
U Myntri Rangbah ula pynpaw ruh ba ka Sorkar Meghalaya kala pyntreikam ia bun jait ki skhim pynroi ha kylleng ki constituency jong ka Jylla. “Katba ka jingkhmih lynti ka lah ban nym iahap bad ka jingsam, ngi dang pyrshang pat ban pynpoi sha man ki thain- ym tang ha ri-lum Garo hynrei ha ri-lum Khasi bad Jaintia ruh” ula ong.
Ula bynrap ba nalor ka CM-SDF, ki don ki skhim ba ioh na ki tnad bapher bapher, hynrei, ka Sorkar kala pynlong kongsan ia ka CM-SDF ban pynthikna ba ki jingmyntoi kin poi beit beit sha u paidbah.
Haba jubab ia ki jingkylli halor ka jingslem ban pynlait ia ka pisa ka CM-SDF, u Myntri Rangbah ula batai ba namar ka jing bun ki jingdawa, ka Sorkar kala pynbeit ban pynthikna ia ka jingsam ba mar katjuh ha baroh ki thain ka ban long hapoh ka mang tyngka kaba don. Ula pynshai ruh ba ka jingpynlait ia ka pisa ka long hadien ka jingbud ia ki kyndon lyngba ka Ophis ki Deputy Commissioner.
Ka jingthmu jong ka prokram ka long ban pyntip sha ki paidbah halor ki thain bad ki jaka kaba la mang ia ki skhim.
U Myntri Rangbah ula ai khublei ia ki nongtrei ka Chief Minister’s Secretarat kiba la trei shitom ban lah pynlong ia kane ka prokra kaba job haba sngewnguh ruh ia ki paidbah ia ka jingkyrshan ba kila ai.
 ha ka jingialang kaba la pynlong hapoh ka Iingsah jong u ha Tura, West Garo Hills.){kind=link}