Shillong, Naitung 29 : U Myntri Rangbah ka Jylla Conrad K Sangma ha ka sngi Balang ula pynbna ia ka jingai khusnam “Achiever of the Month” sha ki nongshongshnong kiba paw bad treikam bha ha ki jait kam bapher bapher, kaba la sdang na ka put ka tem.
Glad to present the Achiever of the Month award in Music to Chegim Durama from Tura.
Chegim is a gifted singer-songwriter whose heartfelt lyrics and soulful music have captivated audiences across Garo Hills. As a beneficiary of the Chief Minister’s Meghalaya Grassroots Music… pic.twitter.com/Nhxonln2xz
— Conrad K Sangma (@SangmaConrad) July 29, 2026
Haba kren ha ka jingialang pynkup burom ia kiba ioh pdiang ia ka khusnam’Achiever of the Month’ hapoh ka Chief Minister’s Meghalaya Grassroot Music Programme (CM-MGMP) ba long ha Tura, u Myntri Rangbah ula ong ba man u bnai ka Sorkar kan ithuh bad pynkup burom ia ki nongtreikam bha ha ki jait kam bapher bapher, kum ha ka put ka tem/kaitor, ki nongialehkai, bad kiwei kiwei, khnang ban lah sei ia ki riew don sap kiba tbit.
“Ngi la sdang ia kane ka prokram ha u snem 2018 ban kyntiew ia ka sengkam sengjam.
Mynta ngin pyniar ia ka jingtrei kam sha kiwei pat ki jait kam. Manla u bnai ngin sa jied ia ki Tnad bad ithuh iaki nongtreikam bha hapoh ka kyrdan u Myntri Rangbah. Mynta u bnai ka dei ia ka put ka tem, lashem bnai kan long ia ka kam ialehkai” ula ong.
U Myntri Rangbah ula ong ba kane ka jingiathuh ka dei kaba la leh da ka jingthmu ym tang ban lehkmen ia ka jingjop jong ki riew shimet hynrei ban kyntiew ia kane ka kam baroh kawei bad ban ai mynsiem ia kiwei pat. Ula ai ia ka nuksa ba dang shen ia ki nongsengkam ka Jylla kiba la pynmih ia ki tiar kilan met bad uwei pat uba tei ia ka recycling business ba T.60 lak.
Haba shim ia ka put ka tem kum shibynta jong ka jingithuh ba kyrpang ka Meghalaya, u Conrad ula ong ba ka Jylla kala ioh ia ka jingithuh ha ka pyrthei ia ka jingdon ki kaitor bad nongput nongtem ba don sap, hynrei ka jingkyrshan ka Sorkar ka dei kaba dang sah shadien.
“Mynta ka sngi, ka MGMP ka kyrshan ia ki hajar ngut ki kaitor/nongput nongtem. Watla kane kam pat biang satia, ngi la iaid pat ha ka lynti kaba dei” ula ong.
Haba pyntip ia ki thong ka Sorkar ha kane ka kam, u Conrad ula kyntu ia ki nongput nongtem bad kaitor ba kin pynmih iala ki jong ki jingrwai ha ka jaka ban shaniah na ki jingrwai pateng.
“Ki jingrwai lajong kin ai ka jingithuh ia phi. Ngi donkam ban thaw ia ki jingrwai bad jingput jingtem kiba lah ban iasam ha ki rynsan ka pyrthei” ula ong haba bynrap ba ki tamasa kiba heh kum ka Cherry Blosson kan buh ia ki jaka ba kyrpang na ka bynta ki nongrwai kiba rwai iala ki jong ki jingrwai.
U Myntri Rangbah ula pynbna ruh ia bun ki project jingtei kiba la pynwandur ban buh ia ka Meghalaya kum ka jaka pdeng jong kiei kiei baroh, kynthup ka madan iaput iatem ba ngiam 40,000-50,000ki briew ka ban mih ha Knowledge City ha Mawkynrew, ka Music Institute ha Tura, ka Film City bad Film Institute ha Shillong.
Ha kane kasngi, u Myntri Rangbah ula sam ia ki Certificate of Appreciation sha kine ki 15 ngut ki kaitor bad ki kynhun tem ka CM-MGMP. Kine kiba ioh khusnam ki dei:
The Grassroot Band – Jaintia Hills
Ria Shark – Jaintia Hills
Quiet Storm – Jaintia Hills
Lynx – Jaintia Hills
Larger Than 90 – Jaintia Hills
Gainam Pamei – Khasi Hills
PHP – Khasi Hills
Pateng Khasi – Khasi Hills
Leo Boys – Khasi Hills
Bending Waves – Khasi Hills
Tantani Band – Garo Hills
Salmyang – Garo Hills
Tengbaan – Garo Hills
Ahaia – Garo Hills
Chegim Durama – Garo Hills
