Shillong Naitung 23: Ka Khasi Students’ Union (KSU)- Education Cell ha ka 21 tarik u Naitung, kala pynkup burom ia ki lai ngut ki samla pule kiba la leh bha ha ka eksamin Joint Entrance Examination (JEE Advanced) bad kiba la ïoh rung sha ki Indian Institutes of Technology (IIT).
Kine ki 3 ngut ki samla kiba la sha hpynkup burom ki kynthup ia u Samla Richbhalang Kharshiing uba la ïoh ïa ka kyrdan AIR 15 (ST Category) bad ula ïoh rung ha ka tnad Computer Science and Engineering (CSE) ha IIT Bombay, kaba long kawei na ki shlem pule ba pawnam tam ha ka ri India.
U Samla Dasannaki Bareh Lyndem uba la ïoh ïa ka kyrdan AIR 281 (ST Category) bad ula ïoh rung ha ka tnad Mathematics and Computing (MnC) ha IIT Indore, katba u Samla David Bajop Christopher Gatphoh uba la ïoh ïa ka kyrdan AIR 461 (ST Category) ula ïoh rung ha ka tnad Electrical Engineering ha IIT Indore.
“Ngi dap da ka jingsngewkmen bad jingsngewsarong ban pynkup burom ïa kine ki samla pule kiba la wanrah nam bad burom ym tang ïa la ka longïing hynrei ïa ka Jylla bad ïa ka jaitbynriew Khasi hi baroh kawei. Ngi ai jingïaroh ïa ka jingtrei shitom ka jong ki bad ngi kyrmen skhem ba kane kan long ka jingïalam lynti bad jingai mynsiem ïa kiwei pat ki samla pule ban trei shitom, ban trei minot bad ban kiew shaphrang ha ka pule puthi” la ong ka KSU ha ka kyrwoh khubor.
Ka KSU kala pynpaw ruh ia ka jingkyrmen ba ha ki snem bad ki por ban wan, kin dang mih bun shuh shuh ki samla kiba don ka sap kiban wanrah nam bad burom ïa ka Jylla bad ïa ka jaitbynriew lyngba ka jingjop ka jongki ha ka pule puthi bad kiwei pat ki bynta jong ka jingim.
- Education Cell ha ka 21 tarik u Naitung, kala pynkup burom ia ki lai ngut ki samla pule kiba la leh bha ha ka eksamin Joint Entrance Examination (JEE Advanced) bad kiba la ïoh rung sha ki Indian Institutes of Technology (IIT).){kind=link}