Shillong, Nailar 23 : Ka State Level Inter School Karate Tournament 2026 bala pyniaid da ka All Meghalaya Karate Do Association (AMKA) kala sdang ha ka sngi Palei bad haduh 802 ngut ki khynnah skul shynrang bad kynthei kila wan ban iashimbynta bad mihkhmat ia ki 126 tylli ki skul ka Jylla.
Ia kane ka lympung ialehkai la pynlong ha Multi Purpose Indoor Hall, ka SAI, STC, NEHU, Shillong.
U Working President ka Meghalaya State Olympic Association (MSOA) Bah John F Kharshiing, ula plie ia kane ka lympung kumu kongsanha ka jingiadonlang u Secretary ka MSOA Bah Finely L Pariat, u Joint Secretary ka MSOA Bah P Laloo lem bad kiwei ki riew pawkhmat bad ki nongkitkam ka AMKA.
Ha kane ka sngi, ka AMKA kala pynkup burom ruh ia arngut ki khlur ialehkai kiba la wanrah ia ki takma ksiar bad rnong dang ha ka taiew bala lah na ka lympung ialehkai 10th Cadet Junior, U-21 & Senior South Asian Karate Championship 2026 ba la long ha Dhaka, Bangladesh naduh ka 15-19 tarik mynta u bnai.
Kine ki arngut ki khlur ialehkai ki dei u Daniel Dabiangbha Warjri uba la khur ia ka takma ksiar na ka Boy’s Junior-68 KG bad u Gideon Tympuin ba khur ia ka takma rnong na ka Men U-21 Indiviadual Kata.
U bah Finely u la pynbna ruh ia ka khusnam song pisa ba long mar 5 hajar tyngka lyngba ka MSOA sha kine ki arngut ki khlur ialehkai karate ka AMKA.
Ha shwa ban sdang shakhmat ia ki jingiakhun baroh, ka la don ka jingpule ia ka kyntien bam smai ba la lam khmat da u Daniel Dabiangbha Warjri bad hadien kane u kongsan u la shim pat ia ka bynta ban pynbna ia ka jingplie ia ka pyrda kane ka jingiakob.
 kala sdang ha ka sngi Palei bad haduh 802 ngut ki khynnah skul shynrang bad kynthei kila wan ban iashimbynta bad mihkhmat ia ki 126 tylli ki skul ka Jylla.){kind=link}