-->

Shah jied 2 ngut ki Karatekas ka Jylla ban mihkhmat ia ka India sha ka South Asian Karate C’ship 2026

Date:

Share post:

Shillong, Naitung 13: Da kaba pynshong nongrim ha ki jinglehbha haki lympung ba dangshen, 2 ngut ki nongialehkai karate ka Meghalaya- u Gideon Tympuin bad Daniel Dabiangbha Warjri ki la shah jied ban mihkhmat ia ka India ha ka lympung 10th Cadet, Junior, U-21 bad Senior South Asian Karate Championship 2026 ka ban long ha Bangladesh.

U Gideon un ïakhun ha ka Men’s U-21 Individual Kata, katba u Daniel un ïakhun ha ka Boys’ Junior Individual Kumite (-68kg).

Ka 10th Cadet, Junior, U-21 and Senior South Asian Karate Championship 2026 kan long ha nongbah Dhaka naduh ka 15 haduh ka 19 tarik Naitung.

U Gideon udei uba ioh ban khur ia ka takma ksiar na ka bynta ka jylla Meghalaya ha ka 5th KIO Senior & U-21 National Karate Championship 2026 kaba la ong ha New Delhi naduh u bnai Rymphang bad Lber katba u Daniel u la ioh ban khur ia ka takma rupa ha ka 68kg jong ka 5th KIO Sub-Junior, Cadet & Junior National Karate Championship 2026 kaba la long Jylliew ha Dehradun.

Advertisement

Ka All Meghalaya Karate-Do Association (AMKA) ka la pynlong ïa ka jingïalang ban kitbok kitrwianh iaki 2 ngut ki samla hashuwa ba kin mih napoh ka Jylla ban mihkhmat iaka ri India.

Ka AMKA ka la ai khublei ruh ïa baroh 2 ngut ki nongïalehkai karate kiba la wanrah nam bad burom iaka Jylla bad kitbok ba kin ioh ia ka jingleit kaba suk bad kaba jop sha Dhaka.

“Ngi ngeit skhem ba kin lehkai bad kin wanrah ia ka burom ia ka jylla bad ka jaitbynriew,” la ong ka AMKA.

Share post:

-->
spot_img

Popular

More like this
Related

Thalain ka UDP Youth Wing ba kynnoh ‘kruin’ u DyCM ia ki nonghikai

Shillong, Naiwieng 18: Ka UDP State Youth Wing kala...

Kaweh ki lama iong ha ki College ka Jylla | Kyrshan ka MCTA ia ki nonghikai deficit

Shillong, Naiwieng 18 : Ki Nonghikai College ha kylleng...

Prestone’s “termites” jibe draws fire from UDP youth wing

SHILLONG, NOV 18: The UDP State Youth Wing has...

Iakynduh ka KSU ia u Engineer ka MePDCL | Dawa shimkhia ban pynbiang ia ka bording ha Upper Shillong

Shillong Naiwieng 18: Ka Khasi Students’ Union (KSU), Upper...