-->

Baljek Airport: Lashai yn aiti ka Sorkar ia ka Kad liengsuin sha ka AAI

Date:

Share post:

Shillong, Nov 18: Ka Meghalaya kala pynkhreh ban aiti noh ia ka Baljek Airport ha Tura sha ka Airports Authority of India (AAI) lyngba ka Memorandum of Understanding (MoU) ha ka sngi Palei, kaba long sa kawei ka sienjam ban pyntreikam noh ia ka kad liengsuiñ kaba lah sahteng la slem bha ha Garo Hills.

Ia kane ka jingiatehkular yn iasoi ha ka Cabinet Room ha Yojana Bhawan, Main Secretariat, Shillong, ha ka jingdonlang u Myntri Rangbah ka Jylla u Conrad K. Sangma bad u Symbud Myntri Rangbah ka Jylla uba khmih ia ka Tnad Transport and Civil Aviation u Bah Sniawbhalang Dhar.

Kane ka kad liengsuiñ kaba don ha Baljek hajan Jengjal, kaba jngai kumba 33 km na Tura ha West Garo Hills, ia kane ka kad liengsuin la plie ha u Risaw 2008 hynrei kam shim la treikam man la ka sngi na ka bynta ka jingwan jong ki liengsuiñ namar ka jingbym biang ki jingtei kynthup ia ka jingdon ia ka Runway kaba lyngkot.
Kane ka jingthmu ban shimti noh ka AAI kadei kaba la khmih lynti ban plie lad ia ka jingkyntiew ia ki jingtei bad da kaba iaid ruh da ki wat ban tei pynbha ia ka kad liengsuiñ da kaba iaid da ki wat. Kane ka jingthmu ka long ban plie lad ia ka jingpyntreikam ia ki liengsuiñ kiba rit ne ki Smaller 19-Seater Aircraft, ryngkat bad ka jingpyniar ban lah ban pdiang ia ki liengsuiñ kiba heh.

Advertisement

Ha u Nailar u Myntri Rangbah u Conrad K. Sangma ula ong, hapoh ka iingdorbar thawaiñ ka jylla ba ka sorkar ka lah dep bhah T.85 Klur ban trei puynbha ia ki jingtei bad ka buh thong ba kane ka kad liengsuiñ kan treikam noh ha u Nailur 2027.
Ka AAI ka dang pynkhreh ban pynthymmai biang ia ka Master Plan na ka bynta ka kad liengsuiñ ryngkat bad ka LiDAR Survey bad ka jinglah ban peit ia ki jingdonkam ha ka liang Technical bad ia ka jingdonkam shuh shuh ban ioh shna pynheh.

Ka kad liengsuin kadei kaba la khmih lynti ban pynbha ia ka lad ban pyniasoh ia ka Garo Hills bad bad kiwei kiwei ki jaka kiba kongsan kynthup ia ka Guwahati bad Shillong. Ka lah ruh ban kyntiew ia ka kam jngohkai, khaii pateng bad ka jingkit ia ki syntiew ki skud na ka thaiñ.
Nalor jong ka jingiasoi ia ka soskular ha kaba iadei bad ka Airport, ka Sorkar Jylla kan soi ruh ia ka jingiatreilang ha kaba iadei bad ka jingshngaiñ jong ki surok ne Road Safety bad ka Save Life Foundation bad ban plie ia ka digital e-governance, kynthup ia ka Citizen Transport Services bad Electric Vehicle (EV) Subsidy Portals.

Ka jingpyntreikam ia ka Baljek Airport kala neh kum ka jingdawa kaba lah sahteng bha ha Garo Hills bad ia kane ka projek la khmih lynti ba kan pynbha ia ka leit ka wan lyngba ka liengsuiñ bad kan kyrshan ruh ia ki kam khaii pateng ha kylleng jong kane ka thaiñ.

Share post:

-->
spot_img

Popular

More like this
Related

Shillong man gets 6 years RI for heroin peddling in 2019 case

SHILLONG, NOV 18: Seven years after he was caught...

Hukum ka Iingkashari ban set phatok 6 snem ia u nongkhaii droks

Shillong, Naiwieng 18 :Hynniew snem hadien ka jingshah kem...

Ioh bat ka KSU ia 4 ngut ki Bangladeshi | Lap ba siew T.45,000 shi khlieh ia ki agent ban pynrung sha India

Shillong, Naiwieng 18 : Ka Khasi Students’ Union (KSU)-Mawryngkneng...

Iakynduh ka KSU ia ka KJDSTA | Bitar ba sngap mynthi ka Sorkar ia ki jingdawa ki Nonghikai

Shillong, Naiwieng 18 : Ka Khasi Students’ Union - Central...