Shillong, Naitung 10 : U Myntri Sorkar Bah Sanbor Shullai ha ka sngi Thohdieng, ula pyntip ba ula ioh pdiang ia ka “jubab kaba sngewtynnad bha” na ka Ophis u Lat halor ka jingkyrpad ban pynsangeh ai jingmynjuria ka Khasi Hills Autonomous District (Trading by Non Tribals) (Amendment) Bill, 2026.
U Bah Sanbor ula leit mudui sha u Lat CH Vijayashankar haba kam ba kane ka Bill ka dei kaba iaid pyrshah ia ka Riti Synshar ka Ri.
Haba kylli ia kaei kaba long ba man halor kane ka jingmudui, u Bah Sanbor ula ong “Nga la ioh ia ka jubab kaba sngewtynnad bha. Lada jia ryngkat ba ia ka bill la phah da ka Tnad District Council Affairs (DCA), ka Sorkar Jylla sha u, un sa pynphai biang ia kane ka kam sha ki Ophisar ba kin bishar bniah ha ryngkat bad ka Tnad Ain”.
Ha ka mudui bala aiti sha u Lat, u bah Sanbor ula pyrshah ia ka kyndon kaba pynlong kongsan ia ki nongaikam bar jylla ba kin shim ia ki service licence na ka bynta ki nongbylla bar jylla.
Ula pynksan ba kane ka Billa kala jam palat ia u pud treikam jong ka KHADC bad kala iaid palat ia ka bor bala pynkup hapoh ka paragraph 10 jong ka Sixth Schedule.
“Ka Khasi Hills Autonomous District (Trading by Non-Tribals) Regulation Act, 1954 ka dei kaba la pynlong ain ban the kyndon ia ka kam khaii ki bar jylla…da kaba pyrshang ban pyniar ia ka bor pyniaid na ki nongkhaii shimet sha ki kompani/nongaikam shimet, ka KHADC kala tam ia u pud shabar ka bor bala pynkup da ka riti synshar” ong u Bah Sanbor.
Ula maham ba ka jingai jingbit kan plie ia ka jingkhang ia ka KHADC ba kan shah tynjuh ha ki mukotduma bad ka jingpynkhein ia ka hok tynrai ki nongshongshnong.
Kane ka Bill aka dei ka jingpynkhein ia ka Article 14, Article 19(1)(g) bad Article 21 jong ka Riti Synshar ka Ri India” ula ong.
Haba kdew ia ka Paragraph 12A jong ka Sixth Schedule, ula pynpaw ba ki Ain jong ka Jylla ki ieng rasong lada jia ryngkat bad ki iatakhuh bad ki ain ki ADC.
 (Amendment) Bill, 2026.){kind=link}