Shillong, Jylliew 28 : U Myntri Rangbah Conrad K Sangma, ula ai khublei ia u Myntri Rangbah Duh ka Ri Narendra Modi namar ka jingpynmih ia ki Jingkieng Jri ha ka jingkren ba dang shu dep jong ka Maan Ki Baat, haba pynpaw ba kane ka jingithuh ka long ka burom ia ki jaidbynriew Khasi bad Jaintia ha lyndet ka dustur kaba la iaid da ki phew snem.
Haba thoh ha X ha ka sngi U Blei, u Conrad ula ong ba u sngewnguh shi katdei eh” ia u Myntri Rangbah Duh namar ka jingkren halor ki Jingkieng Jri haba ai jingkren lyngba ka Radio.
Deeply grateful to Hon’ble PM Shri @narendramodi Ji for spotlighting Meghalaya’s living root bridges in #MannKiBaat.
Jingkieng Jri are a gift from one generation to the next — grown patiently over decades by our Khasi & Jaintia communities. Your words honour their faith in… https://t.co/avkLL7gJWo
— Conrad K Sangma (@SangmaConrad) June 28, 2026
Haba pynpaw ba kine ki Jingkieng “ki dei ki jingai sngewbha na kawei ka pateng sha kawei pat”, u Myntri Rangbah ula ong ba kila “la pynheh pynsan suki pa suki da ki phew snem da ki jaidbynriew Khasi bad Jaintia jong ngi”.
“Ki ktien jong phi ki long ka burom ia ka jingngeit jong ki ban im lang bad ka mariang” ula thoh haba tag PM @narendramodi bad @PMOIndia.
U Conrad ula bynrap ba ka Meghalaya ka dang pyrshang ban pynioh ia ka kyrdan ‘jingtei ki men barim’ (Heritage) hapoh ka UNESCO na ka bynta kine ki jingkieng Jri.
“Katba ngi dang rah shakhmat ia kine ki jingtei u men barim sha ka UNESCO, ka Jylla baroh kawei ka ieng da ka jingsngew sarong” ula ong.
