Ioh ka Meghalaya ia ka Bamboo Project ka ADB napdeng ki Jylla ka NE

Shillong, Jylliew 25 : Ka Meghalaya kan ioh ia ka jingmyntoi na ka jingkyrshan tyngka nabar ri ban kyntiew ia ioh ka kot na u siej hadien ba ka Asian Development Bank (ADB) kala ai jingmynjur ia ka song pisa ba T.42.2 million ban tei ia ka karkhana siej ha ki hynriew tylli ki jylla ka thain Shatei Lam Mihngi.

Ka project kan kyrshan ia ka Assam, Manipur, Meghalaya, Mizoram, Nagaland bad Tripura lyngba ki prokram ha ki shnong ki thaw da ka jingthmu ban kyntiew ia ka kam rep siej, ka jingsain ia ki siej bad pyniaid iew, haba thaw ia ka lad aikam aijam bad pynkhlain ia ka kamai kajih ki jaka nongkyndong.

Ka bynta ba kongsan jong ka project ka dei ka jingphaikhmat sha ki karkhana ba lamkhmat da ki kynthei. Ka ADB ka ong ba la ka long kumno kumno ruh, kawei ka karkhana siej ba lamkhmat da ki Kynthei, yn sa seng ha man ki Jylla ba iashim bynta, kynthup ka Meghalaya, ka ban thaw ia ki lad ba thymmai na ka bynta ki kynthei ba sengkam bad ki nongtrei ba pynmih ia mar ba shna daki siej.

Ka ADB ka ong ba kane ka project ka thmu ban pynduna ia ka jingshaniah na ki jingshalan ia ki mar nabar bad ban pynpher ia ka lad kamai na ka bynta ki longiing nongkyndong kiba ju mad ia ki jingeh na ki jingthut ka suinbneng bad jingpulom ka rep ka riang.

Watla ka India ka don jan kumba 39% jong ka khlaw siej, ka kam pynmih mar na ki siej hapoh ka Ri ka dang dei kaba sahdien bad ka Ri ka dang shaniah bha na ki jingpynpoi mar na shabar.

Ka project, kaba pyniaid lang bad ka National Bamboo Mission, kan kyrshan ia ka jingshna map ia ka jingdon ki siej, jingwad bniah bad ai jinghikai, ban ai jinghikai pyntbit ia ki State Bamboo Mission bad ki jaka ai jinghikai ban pynmih mar na ki siej,