Shillong, Jylliew 24: Ka Martin Luther Christian University (MLCU) kala ioh ia ka kyrdan kaba hakhmat hapdeng ki skulbah kaba la pyniaid da ki riewshimet ha Meghalaya, ha ka IIRF India Ranking 2026 bad kala wan Baar ha ka thaiñ shatei lammihngi bad kaba Hynriewphew pat ha ka ri India.
Kane ka jingai kyrdan ne Ranking jong ka International Institutional Ranking Framework kala ai jingithuh ia ki jaka pule kiba bit ba biang ha ka rukom ai jinghikai, ka jingpynlong ia ki jingwad bniah, ka jinglah ban pynioh ia ki lad iohkam bad ka jinglah ban trei ha baroh ki liang.
Ka jinglah ka MLCU ban leh bha ha baroh ki liang kala jam shakhmat ban ia kiwei pat ki skulbah kaba la pyniaid da ki riewshimet ha ka jylla bad hapdeng ki jaka pule kiba pawnam ha kylleng jong ka thaiñ shatei lammihngi.
Kane ka skulbah kala wan ha ka kyrdan kaba hakhmat eh ha Meghalaya ha ka Education World India Higher Education Rankings 2026 kaba dang shu dep.
Ka Education World kadei kawei napdeng ha ka ri India kaba la ioh ia ka burom ha ka jingkhmih bniah ia ka jinglong jingman ka jingpule ha ki kyrdan Higher Education, ban bishar bniah ia ki skulbah kiba pawnam, ka jingbit jingbiang ka kyrdan ki nonghikai, ka rukom ai jinghikai, ki jingtei ia ki jingdon jingem ha ka jaka pule, ka jingkyrshan ia ki samla pule, ka jingwad bniah bad ka jingmih ha kaba iadei bad ka jingioh kami oh jam.
Da kaba pynpaw ba kane ka jingioh jingithuh kadei kaba pyni ia ka jingkut jingmut ka MLCU ban wanrah ia ka jingkylla ha ka pule puthi bad ka jingleh ia kiei kiei kiba long thymmai, ka skulbah kala ong, ba kane ka jingjop kala lah ban seisoh namar jong ki samla pule, nonghikai, nongtrei bad ki samla pule kiba rim bad kiwei kiwei kiba iatreilang.
Kum ka jaka pule kaba la wan shakhmat ha ka thain shatei lammihngi, ka MLCU kala ong, ba kan iaineh ha kaban pynleit jingmut ha kaban ai ia ka pule puthi ha ka kyrdan kaba bha tam bad ban saindur ha kaban pynkhreh ia ka lawei jong ki samla pule kiban noh synniang sha ka imlang sahlang ha ka rukom kaba don jingmut bha.
 kala ioh ia ka kyrdan kaba hakhmat hapdeng ki skulbah kaba la pyniaid da ki riewshimet ha Meghalaya, ha ka IIRF India Ranking 2026 bad kala wan Baar ha ka thaiñ shatei lammihngi bad kaba Hynriewphew pat ha ka ri India.){kind=link}