Shillong, Jylliew 23 : U Myntri Rangbah ka Jylla Conrad K Sangma ha ka sngi Ba-ar, ula ong baka Sorkar kala pynap lain ia ki kam ban weng ia ki jingdheng kali ha shilynter ka surok na Rilbong-Anjalee-Barik Point, katba ka Shillong ka dang pynkhreh ban pynlong ia ka National Games.
Haba iasam ia ki jingtip ba bniah ha X, u Conrad ula iathuh ba ula pyniaid ia ka jingialang bad ki shipai Indian Army, National Highways & Infrastructure Development Corporation Limited (NHIDCL), Public Works Department (PWD), bad ki bor District ban ithuh ia ki kam kiba lah ban leh na ka bynta ka surok ba khapngiah tam jong ka sor Shillong.
Chaired a review meeting with the Indian Army, NHIDCL, PWD, and district officials to discuss practical solutions for easing traffic congestion along the Rilbong–Anjalee–Barik Point road.
We reviewed road widening proposals, junction improvements, traffic management measures,… pic.twitter.com/5HwTUFDXlz
— Conrad K Sangma (@SangmaConrad) June 23, 2026
Ka jingiakren ka long halor ki lad ban pynheh ia ka surok, pynwandur thymmai ia ki lad ba kongsan, bad ka jingpynbeit ia ka rukom iaid ki kali ba shipor, katba ki jingthmu ban pyntrei ia ki jingtei ki ban neh slem na ka bynta ka Shillong ruh la iashong pyrkhat.
U Myntri Rangbah ula ban jur halor ka rukom treikam kaba ar bynta haba buh hakhmat ia ka por ban long ka National Games.
“Da ka jingnang jan ka National Games, ka jingpynleit jingmut jong ngi ka long ban pyntreikam mardor ia ki lad ki lynti kiba don katba dang pynkhreh ia ki lad ki lynti kiban neh slem” ula thoh.
U Conrad ula ai khublei ia ka Indian Army bad kiwei ki Agency halor ka jingiatreilang, bad bynrap ba ka jingiatreilang hapdeng ki Tnad kan long kaba kongsan ban pynsuk ia ka leit ka wan ki nongshong shnong bad ki nongwankai ha ka por ba don ha National Games bad hadien habud.
