Shillong, Jylliew 23: U Symbud Myntri Rangbah ba khmih iaka tnat Transport Bah Sniawbhalang Dhar u la ong ba ka skhim One-Time Settlement Scheme (OTS) jong ka Sorkar Jylla naka bynta ki trai kali kiba dang pynsahteng iaki khajna, ka ioh pdiang ka jingiaroh naki trai kali bad ïa ki jingkheiñ ba thikna jong ka jingmih yn sa tip bha ha kaba kut jong une u bnai.
Hapoh ka OTS, ka Sorkar kan pyllait 80% ka kuna jong ka Motor Vehicles Tax and Goods Tax, 90% ka kuna jong ka Fitness ki kali bala iap kot na ka bynta baroh ki jait kali kamai, kiba heh bad kiba rit, khlem da khein ia ka snem.
Kane ka rai jong ka Sorkar ka wan ha ka por ba ka Jylla ka donkam ban iohlum kumba T.11,000 klur ka kuna ba dang sahteng na kumba 65 hajar tylli ki kali, 12,642 tylli ki kali haba iadei bad ka kuna goods/passenger vehicles, bad palat 57,000 tylli ki kali haba iadei bad ka kuna Fitness hadien baka Sorkar kala mab noh ka kuna palat T.800 klur, bad mynta la khmih lynti ban ioh biang ia ka pisa kaba kumba T.170 haduh T.180 klur.
U Bah Sniawbhalang u la ong ba u la bthah ia ki heh Sorkar ban lum ia ki jingtip haduh ka 30 tarik Jylliew.
“Ngan sa lah ban iathuh ia phi tang ha kaba kut jong une u bnai, nga la ong ia ki ophisar jong nga ba kin pynkhreh, iathuh ia nga katno ka khajna ngi la lum haduh kaba kut jong u bnai Jylliew, bad ngan sa ai ia ki jingkhein kiba thikna” ula ong.
U la bynrap ruh ba da ki hajar ngut ki trai kali ki wan shakhmat man ka sngi ban shim kabu na kane ka skhim.
“Ka jingpdiang ki trai kali ka long kaba bha shibun. Da ki hajar ngut man ka sngi. Da ka skhim kaba bha kum kane, mano ban nym wan,” u la pynpaw.
 jong ka Sorkar Jylla naka bynta ki trai kali kiba dang pynsahteng iaki khajna, ka ioh pdiang ka jingiaroh naki trai kali bad ïa ki jingkheiñ ba thikna jong ka jingmih yn sa tip bha ha kaba kut jong une u bnai.){kind=link}