Shillong, Jylliew 16 : U Symbud Myntri Rangbah Bah Sniawbhalang Dhar ha ka sngi Ba-ar, ula ong ba ka UNNATI prokram ka Meghalaya ka don ia ka “lad kynshew kam ba kot kumba T.653 klur” ha ki kam jngohkai, ka koit ka khiah bad food processing, katba ka Jylla ka dang pynkhlain ia ki jingpynmih ia ki kompani thymmai (startsup) bad MSME ha ka North East India Infrastructure Summit & Exhibition 2026.
Haba kren ha ka jingialang MSME “UNNATI & Beyond” kaba u pyniaid, u Bah Sniawbha ula pyniasnoh ia ka jingkynshew ba la khmih lynti bad ki jingkyrshan ia ki nongshongshnong lyngba ki prokram ka PRIME Meghalaya.
“Ka PRIME kala kyrshan ia palat 493 ngut ki nongsengkam, pynsted ia ka jingpynlait ia palat T.30 klur ka pisa bad iarap ban pynrung kyrteng ia palat 1,500 tylli ki kompani ba seng thymmai” ula ong.
U Commissioner & Secretary Sanjay Goyal ula ong “Ka jingpyntbit, ka jingpynbeit ryntih, ka jingai jinghikai bad ka jingai jingkyrshan” ki long kongsan bad pynpaw “ia ka jingdonkam ban weng ia ki jingkynshew kiba lah ban pulom na ka bynta ki nongsengkam kiba rit, khamtam eh ïa ki kam kiba rit kiba long ka bynta kaba kongsan jong ki kam ha ka thaiñ Shatei Lam Mihngi”.
U Commissioner & Secretary Cyril Diengdoh ula batai ia ka policy kaba kyrshan ia ki nongsengkam, haba kdew ia ka Meghalaya Investment Promotion Facilitation Act, 2024 bad ka Meghalaya Investment Promotion Authority.
Ula ong ba ka CM ELEVATE bad ka Meghalaya Homestar Mission ka tyrwa “haduh 70% ka jingkyrshan subsidy sha ki nongsengkam” da kaba pynioh ia ka ram lyngba ki paralok ba iatreilang kum ka Meghalaya Rural Bank.
“Jan kumba hajar tylli ki kamra kila mih na ka Meghalaya Homestay Mission” ong u Bah Diengdoh.
Kiwei pat kiba ai jingkren ki kynthup ia u Myntri ka tnad Pule Puthi Bah Lahkmen Rymbui, u Myntri ka tnad C&RD Bah Sosthenes Sohtun, u Dr JB Ekka, Additional Chief Secretary of Assam bad kiwei kiwei.
 bad MSME ha ka North East India Infrastructure Summit & Exhibition 2026.){kind=link}