Shillong, Jylliew 16: U Myntri Rangbah ka Jylla Conrad K Sangma ha ka sngi Baar, ula ai khublei ia ka Anti-Narcotics Task Force (ANTF) halor “Ka jingseisoh biang ha ka jingiakhun pyrshah ia ka jingjyllei u droks” hadien ka jingioh kem ia ki 3 ngut ki snar nongkhaii droks na West Garo Hills district.
Haba thoh ha ka rynsan Social Media ha X, u Sangma ula ong, ba katei ka jingkhynra ha Tikrikilla kala lam sha ka jingioh kurup ia u jingdih pynbuaid be-aiñ uba shongdor T.9 Lak.
Congratulate our ANTF team for yet another successful operation in the fight against the drug menace. The arrest of 3 notorious drug traffickers and seizure of narcotic substances worth approximately ₹9 Lakhs at Tikrikilla, West Garo Hills District sends a strong and clear… pic.twitter.com/gFUrnAYiML
— Conrad K Sangma (@SangmaConrad) June 16, 2026
“Ka jingkem ia ki 3 ngut ki snar nongkhaii droks bad ka jingioh kurup ia u jingdih uba be-aiñ ba shongdor kumba T. 9 Lak ha Tikrikilla, West Garo Hills District ka phah ia ka khubor kaba khlain bad kaba shai kdar, ba ym lah ban pdiang satia ia ki kam khaii be-aiñ ia u droks” la thoh u Myntri Rangbah.
Ka ANTF kala nang pynjur ia ka jingkhynra ha kylleng jong ka Jylla kum shi bynta jong ka jingialeh ka Sorkar ban iakhun pyrshah ia ka jingkhaii ia u droks.
Ki ophisar kila ong, ba ka jingtohkit ka dang iaid shakhmat ban lapdien ia ka tyllong bad ia ka rukom treikam kaba don jingiadei bad ka jingioh kurup ia utei u droks.
U Sangma ula iai ban man la ka por, ba ka jingialeh ban tehlakam ia ka jingkhaii ia ki jingdih kiba be-aiñ kadei ka mat kaba la buh hakhmat eh da ka Sorkar Jylla, da ka jingiatreilang bad ki Pulit bad ki tnad jong ka Sorkar Pdeng.
 halor “Ka jingseisoh biang ha ka jingiakhun pyrshah ia ka jingjyllei u droks” hadien ka jingioh kem ia ki 3 ngut ki snar nongkhaii droks na West Garo Hills district.){kind=link}