Shillong Jylliew 11: Ka Meghalaya Power Distribution Corporation Limited (MePDCL) hynne ka sngi Balang, kala pynmih ia ka hukum ba kala pynkut noh ia ka jingshakri jongka M/s SAI Computers Limited ha Mawsynram Distribution Sub Division bad ka MePDCL kan shimti ban pyniaid hi noh dalade ia ka jingsam bording elektrik ha ka thain.
Ha ka jingpynbna kaba la soi da u Director (Distribution) ka MePDCL, ula pyntip sha baroh ki paitbah ka Mawsynram Distribution Sub Division ba ka jingtreikam jong ka Distribution Franchisee M/s SAI Computers Limited ha katei ka thain la pynkut noh naduh ka 09.06.2026 bad ka Meghalaya Power Distribution Corporation Limited (MePDCL) kala shimti biang ban pyniaid bad khmih ia ka jingsam bording ha ka thain Mawsynram.
Baroh ki jingai jingshakri ia ki paitbah kaba kynthup naduh ka jingai ia ka Bill ne bai bording, ban tan bording thymmai (Connection) bad ka jingujor yn khmih noh da ka MePDCL lyngba ka Mawsynram Distribution Sub-Division Office, la pynpaw ha ka hukum.
 hynne ka sngi Balang, kala pynmih ia ka hukum ba kala pynkut noh ia ka jingshakri jongka M/s SAI Computers Limited ha Mawsynram Distribution Sub Division bad ka MePDCL kan shimti ban pyniaid hi noh dalade ia ka jingsam bording elektrik ha ka thain. ){kind=link}