Shillong, Jylliew 10 : U Myntri Rangbah ka Meghalaya Conrad K Sangma ha ka sngi Balang ula pynrem jur ia ka jingpyniap ia ki hynriew ngut ki Naga kiba shah rahbor ha Kangpokpi, Manipur bad ong ba ka dei ka “jingleh ba palat liam” bad “ka kam thombor ba khlem nongrim”.
Nga pynrem jur ia ka jingpyniap dusmon ia ki hynriew ngut ki paid Naga. Kane ka jingthombor ba khlem nongrim ka long kaba pynkhuslai shikatdei eh bad ka bym lah satia ban pdiang da lei lei ruh” ong u Conrad ha ka kyrwoh.
U Myntri Rangbah ula ong ba kane ka jingjia ka dei kaba kham pangmet shuh shuh naba kala wan jia wat hapdeng ka jing pyrshang jong ka United Naga Council (UNC) ban wanrah ia ka jingiakren bad ka jingiasuk.
I strongly and unequivocally condemn the brutal killing of six Naga civilians. This senseless act of violence is deeply disturbing and wholly unacceptable.
What makes this tragedy even more heartbreaking is that it occurred despite the goodwill and sincere efforts extended by…
— Conrad K Sangma (@SangmaConrad) June 10, 2026
“Kaei kaba pynlong ia kane ka jingjia ba sngewsih kaba kham ktah ka long namar ba ka wan jia wat hapdeng ka jingshimkhia jong ka United Naga Council (UNC) ban wanrah ia ka jinglong jingman kaba lah ban pynlong ia ka jingiakren, ka jingiasuk bad ka jingiakren kaba jai jai. Ka sienjam kabathmu ban tei ia ka jingshaniah bad wanrah ia ka jingiasngewthuh jingmut ha ka jaka ban pyni da ki kam umsnam, kaba lam sha ka jingduh noh ia ki mynsiem ba lui lui bad ka jingjynjar kaba khraw jong ki longiing jong kine ki briew bad ka Jaidbynriew” ula ong.
U Conrad ula phah ia ka jingsngewlem sha ki bahaiing hasem jong ki lanot bad ban jur ba ki kam umsnam ki dei ki bym lah satia ban pynksan.
“Kam don satia kano kano ka jingpynksan halor ka jingshim noh ia ka jingim jong ki briew ba lui lui. Ha kum kane ka por kaba jynjar, Nga kyntu ia baroh kiba don bynta ba kin kiar ha kaban pynheh ia kane ka kam bad pynthikna ba kito kiba donkti kin ioh ia ka jingpynsajia kat kum ka ain” ula ong.
