Shillong, Jylliew 11: 4 ngut ki nongialehkai Karate jong ka Jylla naka kynhun All Meghalaya Karate-Do Association (AMKA) kila ioh khur takma haka lympung 5th KIO Sub-Junior, Cadet & Junior National Karate Championship 2026 kaba long ha Dehradun, Uttarakhand naduh ka 4 tarik haduh 7 tarik Jylliew 2026.
Kiba ioh khur takma ki kynthup Daniel Dabiangbha Warjri ba ioh khur takma rupa haka Kumite Junior 68 Kg bad 3 ngut kiba ioh khur takma rnong kata Jason McRyan Malngiang haka 13 Years Kata, Precious Stone Mukhim haka Individual Kumite 13 Years 55 Kgs bad Sa I Banmanbha S Blah haka Individual Kumite Junior 53 Kgs.
Ha kane ka lympung 5th KIO Sub-Junior, Cadet & Junior National Karate Championship 2026 kila don haduh 41 ngut ki nongialehkai Karate jong ka AMKA kiba leit ban ïashim bynta.
Kiwei ki nongialehkai Karate ruh kila leh bha bad bun naki, kila jam shaka quarterfinals.
Ka AMKA ka ai jingiaroh jaka Sorkar Jylla kaba la kyrshan iaki nongialehkai ban leit ïashim bynta haka 5th KIO Sub-Junior, Cadet & Junior National Karate Championship 2026 kaba la long ha Dehradun ka Jylla Uttarakhand.
 kila ioh khur takma haka lympung 5th KIO Sub-Junior, Cadet & Junior National Karate Championship 2026 kaba long ha Dehradun, Uttarakhand naduh ka 4 tarik haduh 7 tarik Jylliew 2026.){kind=link}