Shillong, Risaw 15: U Executive Member (EM) ba khmih iaka tnat Finance Bah Seiborlang Warbah u la ong ba ka Sorkar jylla ka la pyllait ia ka pisa 2nd installment jong ka 15th Finance Commission sha ka Khasi Hills Autonomous District Council.
U EM ula pyntip ia kane haba jubab iaka jingkylli bala wanrah da u MDC ka Rambrai Bah L Kharbani uba la kylli hato ka Executive Committee ka la shimkhia ne em ban weng ia ki jingeh kiba iadei bad ki ram ba dang sah jong ka KHADC.
U Bah Seibor u la ong, “Hooid, katba don pisa.”
U Bah Seibor ula ong ba ka Council ka kwah ban pyllait kloi ia ki bill namar bun ki Utilization Certificate ki dang sahteng jong ka 15th Finance Commission.
“Haba iadei bad ka jingpyndep ban siew ia baroh ki bill na ka bynta ban pyndep ia ki kam kiba dang sahteng, ki bill ki dang poi sha ka miej jong nga. Ngi kwah ban pyndep kloi namar ba ka 15th Finance Commission ka dawa ba ngin pyndep iaki UC,” u la ong.
Hynrei u la ong ba um pat ioh ia ka jingkhein ba pura haba iadei bad ka ram ba dangsah.
“Namar ki daw ba bun ba ngim lah ban pyndep, ki bill ki la poi sha nga. Katno ka pisa, ngam pat ioh jingtip namar kata nga donkam ia ka notice,” ula ong.
Haba jubab iaka jingkylli hato ka Sorkar ka la pyllait pisa ne em, u EM ula ong, “Kumba ka long mynta, ia ka 2nd installment jong ka 15th Finance Commission la pyllait da ka sorkar.”
