Shillong, Jylliew 09 : U Myntri Rangbah ka Jylla bad National President ka NPP Conrad K Sangma ha ka sngi Ba-ar, ula pdiang ia ka rai jong ka United Naga Council (UNC) ban pynlait ia 14 ngut ki paid Kuki ba shah set ha Senapati, haba shim ia ka kum ka “jingsngew para briew” bad kyntu ia ki seng Kuki ba kin bud lang da kaba pynlait noh ia ki 6 ngut ki Naga ba ki rahbor.
U Conrad ula ai ka jingiaroh ia kane ka seng ki Naga namar ka jingjied ia ka jingsngewlem ha ka jaka ka jingia umsnam ha kum kane ka por kaba kynrum kynram ha Manipur.
“Nga pdeng bad iaroh shikatdei eh ia ka rai jong ka United Naga Council (UNC), ka Naga Triba Hohos, ki Sengbhalang, ki nongialam ka Jaidbynriew bad baroh ki kynhun ba donkti ba iarap ha kaban pynlait noh ia ki 14 ngut ki Kuki kiba la shah set ha Senapati. Kane ka jingleh ba sngew para briew ka pyni ia ka rukom long nala tynrai jong ki paid Naga, kaba ka histori, ka dustur bad ka jingngeit jong ki ka pynskhem ia ka jinglong kaba sngewlem, ka burom, ka jingpyniasuk bad burom ia ka jingim briew” ula ong.
Appreciate the humanitarian decision of the United Naga Council (UNC), Naga tribal hohos, civil society organisations, and all stakeholders in facilitating the release of the 14 Kuki civilians detained in Senapati.
This compassionate gesture offers hope and reminds us that… pic.twitter.com/HYauBItlmi
— Conrad K Sangma (@SangmaConrad) June 9, 2026
Kane ka sienjam ka phah ia ka khubor ka jingkyrmen kaba khlain bha sha Manipur bad ka thain Shatei Lam Mihngi hapdeng kine ki jingiaumsnam kiba dang iai bteng.
“Ha ka por ba ki jingsngew ki trei borbah bad ki Jaidbynriew ki iai mad ia ki dak mong jong ka jingiaumsnam, ka rai ban buh iaka jingsngew para briew halor ki jingsngew iapher baroh ka phah ia ka khubor jong ka jingkyrmen kaba khlain bha sha ki paidbah ka Manipur bad ka thain Shatei Lam Mihngi baroh kawei. Nga iaroh ia ka UNC bad baroh ki seng ki Naga namar ka jingpyni ia ka jinglah ban kiar, ka jingstad bad ka jingkloi ban leh ia kaba dei. Ki kam jong ki, kila pyni ba wat hapdeng ki jingeh kiba bun, ka jingsuk bad ka jingsngew para briew ka ieng rasong halor ka jingbitar bad ka jingiapait iapra”.
U Myntri Rangbah ula kyntu ia ki Seng jong ka Jaidbynriew Kuki ba kin pynlait noh khlem ka jingteh kyndon ia ki hynriew ngut ki Naga kiba shah rahbor, haba pynpaw ba ka dei ka sienjam ba kongsan sha ka jingpynkoit.
U Conrad ula bynrap ba ka jingiai bteng ban set ia ki kan nang pynjlan ia ki jingmad ia ki jingjynjar bad pynslem ia ka jingpyrshang ban wanrah ia ka jingsuk. “Ka jingiai bteng ban set ia kino kino ki riew paiadbah ka nang pynslem ia ka jingjynjar jong ki longiing bad ka Jaidbynriew bad pynslem ruh ia ka kam ban pynkoit kaba ka Manipur ka donkam eh haduh katta katta” ula ong.
Haba ban biang ia ka nongrim jong ka NPP, ula ong ba ka party ka dang iai kut jingmut ban kyrshan ia ka jingsuk bad ka jingiada ia baroh ki nongshongshnong.
 ban pynlait ia 14 ngut ki paid Kuki ba shah set ha Senapati, haba shim ia ka kum ka “jingsngew para briew” bad kyntu ia ki seng Kuki ba kin bud lang da kaba pynlait noh ia ki 6 ngut ki Naga ba ki rahbor.){kind=link}