Shillong, Jymmang 30 : Ka Jaintia National Council bad ka Jaintia Students Union ha ka sngi Saitjain kila shimrai lang ban buddien ia ka jingdawa ban ai jingithuh ia ka ktien Jaintia hapoh ka Meghalaya State Language Act bad tynruh ban ithuh ia ka A-B Jaintia phonetic alphabet ne alphabet ktien kynnoh, haba kdew ia ka jingiapher ki jingbatai na ki bor Sorkar ia kaei kaba jia ia ka jingdawa.
Ia kane ka rai la shim ha ka jingialang jong ka NNC Central Executive Committee bad ka JSU ba long ha Café Central, Jowai halor ka “sobjek ban pynneh pynsah bad ai jingithuh ka Sorkar ia ka ktien Jaintia bad ka A-B Jaintia phonetic alphabet”.
Ha kane ka jingialang la wan ban iashimbynta da ki “riew rangbah, ki scholar, ki dkhot jong ki seng thoh kot ka Jaintia, ki nonghikai, ki nongthoh kot, ki professor”, kaba pyni ia ka jingsngewkhia jong ka Jaidbynriew Pnar halor kane ka kam.
Haba kren sha ki lad pathai khubor, u President ka JNC Central Executibe Committee Bah Sambormi Lyngdoh ula ong ba kane ka jingialang ka long kaba seisoh bad kaba jop haba bynrap ba ki nongia shimbynta kila iatylli ha kawei ka jingmut bad ka rai.
“ Ban buddiem khlem shongthait bad kyntur na ka bynta ban ioh jingithuh na ka Sorkar ia ka ktien Jaintia ha ka Meghalaya State Language Act, bad ban pynthikna b aka A-B Jaintia Phonetic Alphabet- kiba ka jingiathuh la dep ban mynjur da ka resolution jong ka KHADC ha ka dorbar mang tyngka u snem 2021, bad hadien la pynmih ha ka Meghalaya Gazette- ba kan ioh ia ka official statud khlem da pynslem shuh” ong u bah Sambormi.
Ula ban jur ba tang ka jingithuh ka Sorkar kam pat biang satia lada ka Jaidbynriew kam pynroi ia ka ktien napoh. Ula kyntu ia ki paid Jaintia, “Ka por kala dei ia ki briew jong ngi ban sdang ban thoh kot bad ki article hala ka jong ka ktien ka thylliej-ha ka ktien Jaintia-na ka bynta ka jingmyntoi jong ki pateng ban dang wan. Kane ka dei kaba don jingmut bha bad ka lynti ban eh slem ban pynneh bad pynim ia ka ktien jong ngi bad ia ka tynrai. Lada ngi kwah shisha ban pynriewspah iala ka ktien, ngi hap ban sdang thoh shuwa nalade, bad to ngin iasdang shuwa nala iing”.
“Ka jingim ka ktien jong ngi ka dei ka jingim ka jinglong kyrpang jong ngi. Im i ktien Im ka Jaidbru” ula bynrap.
U Bah Sambormi ula pynbna ba ka JNC bad ka JSU kin shimlang ia ka kam ban ithuh, ban lum, bad ban lum lang ia ki kot bad ki jingthoh bala thoh da ki dkhot jong ka Jaidbynriew ha ka ktien Jaintia”.
