Shillong, Jymmang 29 : Ka ‘er-langthari kala syllad kynsan kynsan hynne sngi Thohdieng por shiteng sngi ha ka shnong Mawkhwan A, Sohiong bad pynjulor ia kumba 20 tylli ki Iing.
Kane ka jinglynshop ka erlangthari kala jia ha ka por 12 baje tam. Kane ka shnong ka dei kaba don marjan ka Community Health Centre (CHC) ha Sohiong.
Kat kum ki video, kane ka er-langthari kala kyndang ia bun ki tnum iing briew kiba la her sha suin. Hynrei donbok ba ha kane ka jingjia, ym shym don kano kano ka jingjia kaba sngewsih ne jingmynsaw ki briew.
U MLA/MDC barim ka Sohiong Bah Samlin Malngiang ula pyntip ba ki don kumba 20 tylli ki Iing kiba la jubor bha ka jingshah pynjulor. U iathuh ba ki don ruh kiba la julor malu mala.
“Ngi sngewnguh ba ki briew kim shym la jia eiei ia ki briew” ong u Bah Samlin.
