Shillong, Risaw 02 : Ka Meghalaya kala shah rem da 75 runs ha ka jingiakhun kaba ar jong ka lympung Women’s U-19 T20 Trophy pyrshah ia ka kynhun Vidarbha kaba long hynne ka Sngi U Blei ha Hyderabad.
Kine baroh artylli ki kynhun ialehkai kila jop ia ka jingiakhun ba nyngkong jong ki, kaba dei n aka Group B hynnin ka sngi saitjain. Ka Meghalaya kala jop da 7 wicket pyrshah ia ka Goa bad ka Vidarbha kaba jop da 9 wicket ia ka Sikkim.
Hynne ka sngi, ka Meghalaya kala jop ia ka jingkynting pisa bad jied ban kawang bol shwa hynrei ka liang pyrshah kala lah ban kamai palat 6 run ha ka shi over, kaba kot baroh lang haduh 129 runs bad hap tang 3 wicket.
Ka Nongkawang bil Ankita Sharma kala ioh shi wicket bad ai 22 runs bad ka Neelam Roy kala ioh shi wicket bad ai 32 runs katba ka Suriti Kumari kala ioh ban pynhap ia ka wicket da ka run out.
Ha ka jingbeh ia ka thong, kiba kamai bun ruh eh na ka Meghalaya ka dei ka samla Monica Lyngdoh Phawa kala ioh ban kamai tang 10 runs bad ka Ray kala ioh 10 run. Ka Meghalaya kala lah ban kamai tang 54 runs bad hap 9 wicket ha baroh 20 over.
Ka Meghalaya kan iakynduh sa ia ka Sikkim ha ka sngi ba-ar ban wan.
