“Ngin iai kynmaw ia ka jingshakri jong ka”, ong u CM
Shillong, Nailar 18 : Ka Chief Secretary ka Meghalaya, kaba dei ka Kynthei ba nyngkong eh na ki Khasi, Kong Rebecca V. Suchiang, kala khlad noh na ka pyrthei hadien ka jingiakhun ia ka jingpang bampong mynta la palat arsnem.
I kong Suchiang, iba don hapdeng ka jingshitom la katto katne mynta, ila khlad noh ha ka sngi Ba-ar hapdeng ka jingsumar ia ka jingpang.
Ila bam smai kum ka Chief Secretary ka Jylla Meghalaya ha ka 30 tarik Nailur, 2021.
I Kong Suchiang iba dei u IAS Officer Assam-Meghalaya Cadre jong ka batch-1989, I dei I Kynthei Khasi ba nyngkong eh ban shakri kum ka Chief Secretary ka Meghalaya.
U Myntri Rangbah ka Jylla Conrad K Sangma ula pynpaw ia ka jingsngewsih kaba jur halor ka jingkhlad noh i Kong Rebecca V. Suchiang.
Grieved by the passing of former Chief Secretary of Meghalaya, Kong Rebecca V. Suchiang.
As the first indigenous woman Chief Secretary, Kong Rebecca made bold decisions at tough times and was respected for her leadership among her peers, her guidance to her juniors and her… pic.twitter.com/gK1WCXcTLm
— Conrad K Sangma (@SangmaConrad) August 18, 2026
Ha ka khubor sngewlem, u Conrad ula batai ia i kong Suchiang kum i nongtrei Sorkar ba don burom bha bad kdew ia ka synniang jong i sha ka synshar khadar bad ka jingshakri paidbah.
“Kum ka Chief Secretary ba nyngkong eh na ki Kynthei trai muluk, I kong Rebecca ila shm ia ki rai kiba shlur ha ki por kiba eh bad la burom bha ia I halor ka jinglong nongialam napdeng ki Ophisar, ka jingbtin lynti ia ki junior bad ka rukom treikam kaba ai mynsiem” ong u Myntri Rangbah.
U Conrad ula pynkynmaw ia ka jingkut jingmut jong I ha ka jingban ka jingshitom bad ong “ila iakhun khlem pyndem” bad bteng ban shakri wat hapdeng ki jingtynjuh ka koit ka khiah.
“Ki jingshakri bad ka jingaiti lut jong I ia ka Jylla yn kynmaw junom” ula ong, haba phah ia ka jingsngewslem sha ki bahaiing bad ki baieid bathoin jong i.
I kong Suchiang ila shimti ia ka shuki Chief Secretary ka Jylla ha ka 30 tarik Nailur 2021 na u MS Rao. Hashuwa jong I, ka Chief Secretary Kynthei ka Meghalaya ka dei ka PP Trivedi, kaba bat ia kane ka kyrdan ha u snem 1983-85.
