Shillong, Jymmang 26 : Ki Pulit ka Jylla kila ioh kem ia u briew ba na Rajasthan uba kam ialade kum u Heh Pulit IPS ha Social Media ban shukor pisa ia ki briew.
Kat kum ka kyrwoh na u Superintendent of Police ka Ri-Bhoi Giri Prasad, une u briew ula shna ia ka social media account ha ka kyrteng u DIG Vivekanand Singh Rathore bad “thoh pisa ia ki briew da ki kam shukor”.
Ki lanot kila phah ia ka pisa bad kila shu shah thok ei ha une u riew bymman, ula ong.
Ia ka case la register hapoh ka Nongpoh Police Station hapoh ka kyndon 318(4)/319 (2) jong ka Bharatiya Nyaya Sanhita pule lang bad ka kyndon 66C/66D jong ka Information Technology Act.
Une u briew u kyrteng u Jahul Ali, uba shong ba sah ha Kakrali Meo, Alwar, Rajasthan. La kem ia u ha ka 23 tarik Jymmang na Jaipur, Rajasthan, ong u SP.
Ia kane ka jingkem la leh hadien ka jingtohkit kaba bniah bha bad ka jingpeit pyrman da ki briew kiba don ha Rajasthan. Ka jingtohkit mynta kala iaid shakhmat.
