Shillong, Jymmang 26 : Ka Hynniewtrep National Liberation Council (HNLC) ha ka sngi Nyngkong kala pynrem jur ia ka jingsospon ka Khasi Hills Autonomous District Council (KHADC) ba synshar ka Voice of the People Party (VPP) ia u Syiem ka Hima Mylliem bad shim ia ka kum ka sienjam “ban pyniap ia ki nongialam” (political assassination) bala leh da ki lynti jong ka ain.
Ha ka kyrwoh, u General Secretary ka HNLC Bah Sainkupar Nongtraw ula kyntait ia ka jingwer u President ka VPP Ardent Basaiawmoit ban nym khmih ia ka jingtreikam ka KHADC lyngba ka jingpeit niam.
“Ka HNLC ka kyntait ia ka jingkren u President ka VPP Ardent Basaiawmoit, uba maham pyrshah ia ka jingpynman ia ka jingtreikam ka KHADC lyngba ka jingpeit niam. Kane kam dei ka jingkhot hok ia ka jingiatylli, hynrei ka jingpyrshang ban khring shawei pat ia ka jingmut jingpyrkhat na ki kam jong ka KHADC ba lamkhmat ka VPP pyrshah ia ki bor treikam nala tynrai u trai ri trai muluk” ula ong.
“Ka HNLC ka pynrem ia ka jingsospon ia u Pa’iem Ainam Manik Suoem da ka KHADC ba ialam ka VPP bad shim ia kine ki kam baroh kum ka jingpyniap ia ki nongialam (political assassination) bala leh da ki lynti ka ain” ong u Bah Sainkupar.
U kynnoh ba ia kane ka jingsospon la pynbid da ka jingthung mardor ia u Acting Syiem uba dei u Khristan, kaba pyni ia ka buit treikam kaba don eiei ba kham heh.
“Tang mar syn sospon ia u Ainam Manik Syiem, ka KHADC kala thung mardor ia u Alban Fedrick Syiem kum u Acting Syiem. U Alban Fedrick Syien u dei u Khristan. Ka rukon leh ka long kaba shai mynta. U Syiem ba dei na ka Niam Khasi ula shah weng khlem da don ka rukom bishar kaba shonghok bad ba khlem shah liang, bad la thung ia u Khristan ha ka jaka jong u. Kane kala jia ha Hima Mylliem bad kum kijuh ki jingtuklar la pyrshang ban leh mynta ha Hima Sohra. Kane kam dei kaba shu jia tyngka. Kane ka dei ka buit treikam” ula ong.
U Bah Sainkupar ula kdew ba u Bah Ainam Manik Syiem u dei u Syiem uba saw ban shah sospon ha ka KHADC bad ka United Khasi Jaintia Hills Autonomous District Council kaba rim.
“Ka jingiai pyndonkam ia ka bor ban sospon pyrshah ia ki Khlieh Nongsynshar ka pyni ia ka rulong long kaba idon jingma bha ha kaba la pyndonkam ia ka kyndon 7 kum u kuli politics da ka jingthmu ban pyniap ia ka bor jong ki Syiem” ula ong.
Ula buh jingkylli ruh ia ka rukom shim rai da ka Council. “Ka jingsospon ia u Ainam Manik Syiem la leh khlem kano kano ka jingtohkit ba laitluid lane ka jingbishar ba khlem shah liang. Kam shym don satia kano kano ka bor bym shah liang bala pynkupbor ban shong bishar hok ia ki jingkynnoh. Ka KHADC ka leh ialade kum ka nongujor, ka nongpynngat, ka nongbishar bad ka nongpyntreikam ia ka hukum ha kajuh ka por. Kane kam dei ka jingleh hok. Kane ka dei ka jingleh politics kaba la pynbeit lypa ban weng ia ki Khlieh Nongsynshar lyngba ka rukom treikam” ong u Bah Sainkupar.
 ha ka sngi Nyngkong kala pynrem jur ia ka jingsospon ka Khasi Hills Autonomous District Council (KHADC) ba synshar ka Voice of the People Party (VPP) ia u Syiem ka Hima Mylliem bad shim ia ka kum ka sienjam “ban pyniap ia ki nongialam” (political assassination) bala leh da ki lynti jong ka ain.){kind=link}