Shillong, Jymmang 18: Ki kompani die umphniang (Oil Industry) hynne ka sngi Nyngkong, ka la pynthikna ba ka jingdon ka umphniang Petrol, Diesel bad ka LPG ka dang long kumba ju long bad ka bym don jingthud eiei ha kylleng ka Meghalaya, bad ka jingpeit thuh ia ka stock ka long kaba bteng bad lah pyndap man ka por.
U State Level Coordinator ka Oil Industry, Meghalaya-cum-Manager (LPG-Sales), Shillong Area, Indian Oil Corporation kala “Pynthikna ia ki paidbah ba ka jingdon jong ka umphniang Petrol (MS), Diesel (HSD) bad ka Liquefied Petroleum Gas (LPG), ka long kumba ju long bad khlem jingthud ha baroh ki lad pynpoi umphniang jong ki kompeni kiba pyniaid ia ka umphniang, ka Indian Oil Corporation Limited (IOCL), ka Bharat Petroleum Corporation Limited (BPCL) bad ka Hindustan Petroleum Corporation Limited (HPCL) ha kylleng ka Jylla.
Ka jinglong jingman jong ka jingpynbiang baroh ka dang iai bteng ban long kaba skhem bad kaba biang” la pynpaw ha ka kyrwoh khubor.
“Ki kompeni die umphniang kila pyntip ba ka jingpynpoi umphniang baroh, naduh ki Terminal bad ki jaka buh umphniang haduh ki jaka die umphniang, ki treikam bha bad khlem kano kano ka jingthud” la ong ha ka kyrwoh bad ka bynrap “Ba la iai buddien man la ka por ia ka jingdon ka umphniang bad ki kam pyndap umphniang ki iaid beit iaid ryntih ha baroh ki jaka ha ka Jylla”.
“Ka jingpynpoi ia ki LPG ha ki iing ki sem kadei kaba la buh hakhmat eh bad ka dang ïai bteng ban long kumba ju long ha kylleng ka jylla Meghalaya bad la iai buddien ia ka jinglong jingman ban pynthikna ia ka jingpynpoi kaba khlem jingthut sha baroh ki nongpyndonkam” la ong.
Ki kompeni die Umphniang kila pynpaw ba ki dang pynneh ia ka jingiatreilang kaba iajan ha kaba iadei bad ka jingpynpoi mar, ka jingpynkit ia ki mar bad ki kam die khutia ban pynthikna ia ka jingdon jong ka umphniang khlem jingeh ha kylleng ka thain. Nalor kane kala kyrpad ruh ia ki paidbah ba kin long kiba sngewskhem bad ban bteng ia ka rukom pyndonkam kumba ju long.
Ki kompeni die umphniang kila pynthikna ruh ia ki nongshong shnong, ba kam don ka daw ban khuslai bad kila kyrpad ia ki nongpyndonkam ban kiar na ka jingthied kyrkieh bad kila bthah ruh ia ki paidbah ba kin shaniah tang ha ki jingpyntip kiba thikna na ki kompeni die umphniang na ka bynta ki jingtip kiba thikna bad kiba la pynshisha ha kaba iadei bad ka jingdon ka umphniang.
 hynne ka sngi Nyngkong, ka la pynthikna ba ka jingdon ka umphniang Petrol, Diesel bad ka LPG ka dang long kumba ju long bad ka bym don jingthud eiei ha kylleng ka Meghalaya, bad ka jingpeit thuh ia ka stock ka long kaba bteng bad lah pyndap man ka por.){kind=link}