Nongpoh, Jymmang 12 : Ka Federation of Khasi Jaintia and Garo People (FKJGP) Baridua Circle kila maham ban leh da kaba tyngeh pyrshah ia kino kino ki dukan kiba don hajan jong ki skul ba kin die ia ki kynja duma (tobacco) namar ka jingktah ia ki khynnah skul khamtam kito kiba dang rit ka rta.
Kane ka jingmaham kala mih hadien ba kane ka seng kala leit ban jurip ia ki katto katne ki dukan kiba die ia ki duma ba bun jait khamtam ki sikret, ki duma bad kiwei kiwei, kiba don hajan ka skul Little Star Higher Secondary School bad ka Savio Higher Secondary School.
Kane ka jingjurip ka dei kaba la pynlong hadien ba iohpdiang ia ka jingujor na ki kmie kpa bad ki khynnah skul.
Ka FKJGP-Baridua hapoh ka jingialam u President samla Denis Nongrum, kala leit iakynduh ruh ia ki Principal jong kitei ki skul ban pan ia ka jingkyrshan ia kane ka sienjam ka seng ha kaban iada ia ki khynnah skul na ki jingsniew namar ka jingdon jong kine ki dukan marjan jong ki skul.
U samla Denis Nongrum, u la ong ba ka seng ka la leit ban bthah ia kito ki dukan kiba ju die duma ba kin sangeh noh ha ka ban die ia ki jingdih ne jingbam duma (tobacco) nangne shakhmat.
U iathuh ba ka seng ka la kyntu ruh ia ki Dorbar Shnong, ki bor pulit bad ki bor district ban peitngor ia ka jingdie ia ki duma hajan jong ki skul ban iada ia ki khynnah skul na ki jingsniew.
 Baridua Circle kila maham ban leh da kaba tyngeh pyrshah ia kino kino ki dukan kiba don hajan jong ki skul ba kin die ia ki kynja duma (tobacco) namar ka jingktah ia ki khynnah skul khamtam kito kiba dang rit ka rta.){kind=link}