Shillong, Jymmang 10 : Ka North-Eastern Hill University Teacher’s Association (NEHUTA) ha ka sngi U Blei kala kyntu ia ka Voice of the People Party (VPP) bad baroh ki seng sain pyrthei ba kin buh ia ka kam sain pyrthei shabar jong ka campus ka University, haba kyntait ia ka jingkam u Pro Vice-Chancellor halor ka jingslem ki kam thung nongtrei.
Ia kane la kynthoh da u President ka NEHUTA Prof Lakhon Kma haba jubab ia ka khubor ba kdew ia ka jingkren u President ka VPP Youth Wing Marbud Dkhar halor ka jingkren u PVC Prof S Umdor halor ka jingslem ki jingthungkam ha NEHU.
“Na ka liang ki seng sain pyrthei kynthup ka VPP, ka NEHUTA ka kwah ban kyntu ia ki ba kim dei ban leh politics hapoh ka University” ong u Prof Kma ha ka kyrwoh.
“Shabar ka campus, ki don pahuh ka jaka ban leh politics bad iakhun elekshon” ong ka NEHUTA haba kynnoh ia u PVC Prof S Umdor ba ula ialam bakla ia ki paidbah bad ka VPP Youth Wing halor balei ka jingpynbna laitkam ba 154 ha ka group B bad C myn ha ka 3 tarik Naiwieng, 2023 kala shu kut.
Ka sngi ba khadduh na ka bynta ka jingpdiang ia ki kot ki sla ka dei 12 tarik Nohprah 2023 bad ka jingpynbna laitkam kala kut noh ha ka 2 tarik Naiwieng 2024.
“Ka long kaba bakla ia u PVC ban ong ba ki kam ban pyniaid ia ka jingthungkam ym shym la lah ban pyndep bad kala shu kut noh namar ka jingthut ha ka jingtreikam jong ka University namar ki kynrum kynram hapoh Iing” ong u Prof Kma.
Ula kdew ba ka jingiashah thngan jong ki samla pule kala sdang tad hadien ba la kut noh ka jingpynbna laitkam.
“Ka jingshah thngan ki samla pule kaba la kyrshan pura da ki Nonghikai bad ki Nongtrei, kala sdang ha ka 5/11/2024 bad kala kut ha ka 21/11/2024” ula ong.
“Ka jingpynbna laitkam kala kut ka por treikam ha ka sien kaba lai ym namar ka jingiakhih namar namar ka jingiai jah trei jong u Vice Chancellor ha katei ka por, ka jingbym shimkhia pura jong u ia ka bha ka miat ka University bad ka jingkiar syndon ban khmih ia ki kam jong ka NEHU ha ka samoi treikam jong u” kynnoh u Prof Kma haba kdew ia u VC barim Prof PS Shukla.
“Hapdeng ka sngi ba khatduh kata 12/12/2023 bad 2/11/2024, u Prof Shukla u khlem leh eiei ban thung briew ha kitei ki kam ba lait bad u Prof Umdor ula pyrshang ban ialam bakla ia ki paidbah” ula ong.
“U Prof Umdor ula pyrshang ban iada ia ka jingbym lah treikam pura jong u VC ha kaban pyndep ia ki kam ban pyniaid ia ka jingthungkam thungjam ha ka sien kaba lai” ula kynnoh.
Halor ka VPP Youth Wing, u Prof Km aula ong “Ka jingduna ki jingtp bad ki jingshisha kala ailad ia u PVC ban ialam bakla ia ki lada ki khubor ki dei kiba shisha kumba ki mih ha ki kot khubor. Nga kwah eh ba kila dei ban da leh homework bha hashuwa ba kin leit iakren ia ki bor ka Unviversity, ki ban nym lah ban ialam bakla ia ki bad ia ki paidbah ka Jylla”.
“Ngi kwah ban kyntu ia u PVC ba lada u nud ban kren shai kdar bha bad sangeh ialam bakla ia ki paidbah ka Jylla” ula bynrap.
 ha ka sngi U Blei kala kyntu ia ka Voice of the People Party (VPP) bad baroh ki seng sain pyrthei ba kin buh ia ka kam sain pyrthei shabar jong ka campus ka University, haba kyntait ia ka jingkam u Pro Vice-Chancellor halor ka jingslem ki kam thung nongtrei.){kind=link}