Shillong, Iaiong 24 : Ka Drug Reduction, Elimination & Action Mission (DREAM) kan nang pynkhlain ia ka jingialap ban pynsngewthuh ia ki paidbah pyrshah droks bad ban iakren ha kaban seng ia ki rehabilitation centre ha kylleng ka ri-lum Garo, ong u Director ka Mission Bah Francis Kharshiing ha ka sngi Thohdieng.
“Ka DREAM kala shim ia bun ki lad shakri kiba kongsan ha kylleng ka ri-lum Garo ha ka 23 bad 24 tarik Iaiong 2026, kaba nang pynskhem ia ka jingkut jingmut jong ka ban wanrah ia ka jingiatreilang ban iakhun pyrshah ia u droks ha ryngkat ki shnong ki thaw” ong u Bah Kharshiing.
Ha ka 23 tarik Iaiong, ka DREAM kala leit ban jurip ia ka jaka ban tei ia ka rehabilitation cenre ha West Garo Hills, ka ban seng da ka Baptist Church.
“Kane ka jingthmu ka dei ka dak jongka sienjam kaba kongssan ban pynkhlain ia ki jingtei jong ki rehabilitation centre ha ka thain lyngba ka jingiatreilang bad ki kynhun Balang” ula ong.
Mynta ka sngi, u Director ka DREAM ula pyniaid ia ka jingialang high level hapoh ka Ophis u Superintendent of Police, West Garo Hills, Tura.
Ha kane ka jingialang la wan iashimbynta da u Deputy Inspector General of Police, Western Range, Deputy Commissioner, Superintendent of Police ka West Garo Hills, District Social Welfare Officers, ki NGO ba iatreilang hapoh ka DREAM bad ki nongmihkhmat na ki Balang bad ki sengbhalang na baroh ki District kari-lum Garo.
“Ka jingialang kala pynleit jingmut halor ka jingpynkhlain ia ki lad treikam da ka jingiatreulang , ban pyniar ia ki jingthmu ka DREAM hapoh ka thain” ong u Bah Kharshiing.
“La ban jur ban pyniar ia ka jylli treikam ki kynhun ba don bynta ban pynkhlain ia ki jingialap pyrshah droks bad pynkloi ia ka jingseng ia ki rehabilitation centre ha kylleng ka ri-lum Garo”.
 kan nang pynkhlain ia ka jingialap ban pynsngewthuh ia ki paidbah pyrshah droks bad ban iakren ha kaban seng ia ki rehabilitation centre ha kylleng ka ri-lum Garo, ong u Director ka Mission Bah Francis Kharshiing ha ka sngi Thohdieng.){kind=link}