Shillong, Iaiong 21: Arngut ki briew ki la iap namar ka jingban ki maw heh ia kawei ka kali Bolero pick-up kaba don ia u number ML05 AD 5514 haka shnong Mawlieh, kaba don ha shi lynter ka surokbah Shillong–Pynursla–Dawki hajan ka shnong Lyngkyrdem ha ka janmiet sngi Nyngkong.
Kane ka jingjia ka la jia ha ka por kumba 5:30 janmiet katba kane ka kali ka dang hiar sha Pynursla.
Uwei na kiba la khlad udei uba la tip kyrteng kum u Nangteibor Khongthohrem naka shnong Lumwahniai katba uwei pat u dei u Wanbor Nianglang na ka shnong Pynursla.
Ka jingpynkhuid bad weng iaki maw na katei ka jaka ka la shim por haduh da miet jong ka sngi Nyngkong, kaba la shah pynthut noh namar ka jingjur jong u slap.
Kane ka bynta jong ka surokbah Shillong-Dawki ka jingma namar ka ba dang pyntrei ban pynheh bad ki bor ba dei peit daka jing peitngor kila pynbthei ban pynpra ïa ki mawsiang kiba buh jingma ïa ki nongleit nongwan.
Ka jingpyntrei iaka projek Shillong–Pynursla–Dawki ka dang iaid mynta, ha kaba ka ophis Sub-Divisional Officer (SDO) Pynursla kala pynbeit ia ka jing iaid kali ba man ka sngi naduh ka por 7:00 baje mynstep haduh 10:30 baje mynstep bad 3:30 baje mynstep haduh 9:30 baje mynstep khnang ban pynsuk ia ka jingpyntrei khlem jingthut bad ban pynduna ia ki jingma kaba lah ban mih haka por pyntrei.
Kane ka thain ka la sakhi ia kum kine ki jingjia ba sngewsih ha ki por ba la dep. Ha u snem ba la dep, 5 ngut ki briew ki la iap hadien ba kawei ka kali ka la hap ha riat kaba don hajan Rngain, katba ha u snem 2024, 2 ngut kiwei pat ki la iap ha kajuh ka jaka hadien ba ki la shah syllad ha ki maw ba hap.
