Shillong, Iaiong 20: Ki klob ialehkai ba bna nam ka nongbah Shillong, ki la khur ia la ki nam jop ha ka lympung ialehkai 5th Meghalaya State League, ba la pynlong ia ka da ka Meghalaya Football Association (MFA) hynne ka sngi nyngkong jong ka taiew.
Ha ka jingiakhun ka Group A, ka Nongkseh SSCC ka la pynliem ia ka Umkaber SC da 13-0, ha ka jingiakhun kaba la long ha SSA Stadium, First Ground, Polio.
Katba ha ka jingiakhun ka Group B, ka Nangkiew Irat FC ka la lah ba kan pynliem noh ia ka Mawphud SC da 3-0, ha ka jingiakhun ba la long ha madan ialehkai ka MFA Turf, Third Ground, Polo.
Ha ka jingiakhun ka Group C, ka Mawlai SC kaba bat ruh ia ka nam kum ka lahduh jong kane ka lympung, ka la lah ba kan pynliem da 6-1 ia ka Lamin XI Sports &CC.
Katba ka resol na ka jingiakhun ka Group D pat ka long hapdeng ka Ladthadlaboh SC bad ka Jalaphet Moochut Pyrdung SC ka la kut noh ha ka jingiakhaid kaba long da mar 2 kol.
Haba phai pat sha ka jingiakhun ka Group E, ka Shillong Lajong FC ka la pynliem da 3-1 ia ka Lamyrsiang CC.
Ka khubor na ka jingiakhun ka Group F pat ka long ba ka Umlakro SC ka la pynliem noh ia ka Mishon Sports S&CC da 1-0.
Katba ka kynhun ialehkai ka Achik Socio Cor ka la lah ba kan pynliem noh ia ka Attong Matgrik FC da 3-0 ha ka jingiakhun kaba dei jong ka Group G.
Ka resol na ka jingiakhun ka Group H pat ka long ba ka Rangdajied United FC ka la lah ba kan pynliem Seng Samla Umdang Pyllun da 3-1.
Ki jingialehkai lashai ka sngi (baroh kin sdang ha ka por 3 baje janmiet):
Group A (Shillong SSA Stadium) – Khimusniang SC vs Mawshun SCC
Group B (Shillong MFA Ground) – Mulang SC Nongbah vs Mawlum Tyrsad SCC
Group C (Amlarem) – Amlarem SC vs Laskein SCSC
Group D (Khliehriat) – Rymbai Shkenshynriah SC vs Thangskai Tiger SC
Group E (Wahiajer) – No match scheduled
Group F (Mairang) – Lawbah SC vs Langsning FC
Group G (Williamnagar) – Maram FC vs Janepih YSCA
Group H (Mawkyrwat) – Mawten SC vs Mawlarshong SC
 hynne ka sngi nyngkong jong ka taiew.){kind=link}