Shillong Lber 28: Ka Federation of Khasi Jaintia and Garo Peoples (FKJGP) ha ka sngi Saitjain kala pynrem jur ia u briew uba la kam ialade kum u Pulit bad thombor ia u nongniah kali ryngkat bad ka byrngem ban siat ia u.
U Chief Organising Secretary Bah Khrawkupar Nongsiej ula ong, “Ba ka jingleh donbor jong utei u briew ban pyntieng pynsmiej ia ki paidbah ban thep ha thanad bad ruh ban siat da ka pistol ka long kaba bakla lada dei mano mano”.
“Ka thong hi jong ki Pulit ka dei ban shakri bad ban iada (Serve and Protect) ia ki paidbah bad ka Seng ka dawa ba dei ban shim da ki sienjam kiba tyngeh pyrshah ia une u briew katkum ka aiñ bad ban pyntikna ba kino kino kiba don ha ka bor kim dei ban pyndonkam bakla lane ban leh donbor ia ki rit ki ria” ong u Bah Khrawkupar.
Ka seng kala ioh jingtip ba utei u briew u dei uba don ka jingiadei bad ka seng saiñpyrthei lyngba ka ïing ka sem jong u, kumta ka FKJGP ka maham ba ki briew kiba sngew ba ki don jingiadei bad ki bor sorkar kim dei ban shimkabu ban pyntieng pynsmiej ia ki riewpaidbah.
“Ka aiñ kam dei ban noh shiliang bad lada jia ba kita ki bor jong ka aiñ kim ai da ka jingpynsaja kaba tyngeh ia utei u briew, ka seng kan sa leh la ka jong ka kamram pyrshah ia u” ula ong.
 ha ka sngi Saitjain kala pynrem jur ia u briew uba la kam ialade kum u Pulit bad thombor ia u nongniah kali ryngkat bad ka byrngem ban siat ia u.){kind=link}