Shillong, Lber 24 : Ka Bharatiya Janata Party (BJP) ha ka sngi Ba-ar, kala pynpaw ia ka jing sngew nguh ia u Lat ka Jylla CH Vijayashankar halor ka jingai jingmynjur ia ka resolution ka Garo Hills Autonomous District Council (GHADC) ba pynlong kongsan ia ka syrnot Scheduled Tribe (ST) na ka bynta ki kyrtong ba iakhun ia ka elekshon ka Council.
Ha ka kyrwoh, u General Secretary ka BJP Bah Wankitbok Pohshna ula ong “Ka party ka pynpaw ia ka jingsngewnguh kaba khraw ia u Lat ka Jylla CH Vijayashankar namar ka jingai jingmynjur ia ka resolution bala mynjur da ka GHADC, kaba pynlong kongsan ia ka syrnot ST ha ka jingiakhun ia ka elekshon District Council. Kane ka rai kaba kongsan ka pyni ia ka sienjam ba kongsan ha kaban iada ia ka hok kat kum ka riti synshar bad ka kolshor jong ki paid Achik”.
Ula pynpaw ba ia ka resolution la wanrah nyngkong da u MDC ka BJP na Tura, Bernard Marak bad hadien la kyrshan da ki 25 ngut ki MDC ha ka jingiatai ia ka amend Rule 128.
“Ka jingiarai lang bala pyni da ka Council khlem ka jingiakhein party, ka pyni ia ka jingiatylli bad ka jingkut jingmut bann iada ia ka jinglong ba kyrpang ki trai ri trai muluk” ong u Bah Pohshna.
Ka BJP kala kyntu ia ka Khasi Hills Autonomous District Council (KHADC) ba kan shim lang ia kum kane ka sienjam.
U Bah Pohshna ula bynrap “Ngi pynpaw ia ka jingkyrmen ba ka KHADC ruh kan shimkhia ia kane ka kam, ka ban pynthikna ba kijuh ki jingiada ki treikam ban iada ia ka hok jong ki paid Khasi”.
 ha ka sngi Ba-ar, kala pynpaw ia ka jing sngew nguh ia u Lat ka Jylla CH Vijayashankar halor ka jingai jingmynjur ia ka resolution ka Garo Hills Autonomous District Council (GHADC) ba pynlong kongsan ia ka syrnot Scheduled Tribe (ST) na ka bynta ki kyrtong ba iakhun ia ka elekshon ka Council.){kind=link}