Shillong, Lber 23 : Ka Hynniewtrep Integrated Territorial Organisation (HITO) kala leit ban mudui sha ka Meghalaya State Pollution Control Board (MSPCB), ba kynnoh ba ka Riangdo Vaneer Industry Pvt Ltd ka pynmih ia ka tdem iong bar ben bha na ka atoskhana ba long pyrshah ia ki kyndon pynmih tdem.
Ha ka shithi sha u dkhot ka MSPCB ha ka sngi Nyngkong, u President ka HITO Donbok Dkhar ula ong ba ka Seng kala shem “ia ka jingpynmih tdem iong bar kaba jur bha” ha ka jingleit jurip myn ha ka 18 tarik Lber, bad mar mar kala pyntip ia kane.
Ka kynhun ka ong ba kane ka jingpynmih tdem ym tang ba ka pynkhein ia ka kyndon bala buh hynrei ka buh jingma ruh ia ka koit ka khiah bad ka bha ka miat ki nongshongshnong.
Ka HITO kala kyrpad ia ka MSPCB ba kan leit jurip ia kane ka karkhana, pynshisha ia ka jingbud thikna ia ki kyndon bad ban leh eiei pyrshah ia ki jingpynkhein kyndon.
Ka jingujor ka dawa khamtam eh ia ka Riangdo Veneer ba kan pyntreikam ia ki Pollution Control Devices (PCD) kiba treikam bha ha ka jingpynmih mar, khamtam haba thang ia ki jaboh ba mih kum ki dieng lyngkhot bad kiwei ki mar bad ba dei ban pynmeh mardor ia kane ka kor tang mar syn sdang pyntreikam ia ki boiler.
Ka HITO ka pyntip ba kala ring video ia kane ka jingpynmih dtem bad kan sa aiti sha ki kynhun tohkit.
 kala leit ban mudui sha ka Meghalaya State Pollution Control Board (MSPCB), ba kynnoh ba ka Riangdo Vaneer Industry Pvt Ltd ka pynmih ia ka tdem iong bar ben bha na ka atoskhana ba long pyrshah ia ki kyndon pynmih tdem.){kind=link}