Guwahati, Lber 23 : Ki nongtrei ka Congress kila pynjulor laki laka iala ka jong ka Ophis ka party bad pynjulor ruh ia ka dur jong u nongrwai ba pawnam ka Assam Zubeen Garg, tang na ka daw ba ka party ka khlem ai ticket ia u briew ba ki mon ban iakhun ia ka elekshon MLA.
Kat kum ka khubor, kane ka jingjia kala jia hapoh ka Ophis ka Block Congress Committee ha Bijni, ha kaba ki nongtrei ka party kila pynlong ia ka jingiakhih namar ka rai jong ka party ban nym pynieng kyrtong napoh ka constituency.
Kine ki nongiakhih kila kyndang ban pynjulor ia ka dur u Zubeen Garg kaba wah hapoh ka Ophis, da kaba bom ia ka da ki shuki kum ka dak ban pyni ia ka jingbitar.
Ka jingthombor ia ka dur jong une u nongrwai ba pawnam kala pynmih ia ki jingshah kynthoh ba bun jait bad don ruh kiba la buh jingkylli ia ka party bad ka jingpyrshang jong ka ban pyndonkam ia ka kyrteng une u nongrwai ban myntoi ha ka politics haba pulom pat ban tehlakam iala ki jong ki nongtrei.
