Shillong, Lber 18: Ka Jaiñtia National Council (JNC) Jalaphet Circle ka la leit jurip ïa ka jaka bathmu ban tei ïa ka Government College ha ka shnong Jalaphet Bri-Sumer da kaba pynpaw ba ki kam kala sdang bad ka la ïaroh ïa ka sienjam bala shim ban kyntiew iaka pule dangle hapoh ka thaiñ.
“Ka jingïohi ïa ki mashin ha kane ka jaka, ka pyni ba ka Sorkar ka jubab ïa ka jingdawa kaba la slem bha ka seng” ong u President ka JNC Jalaphet Circle Bah Andy Bareh.
U Andy u la ong ba ka seng ka pdiang sngewbha ïa ka jingkular jong ka Sorkar MDA bad ai khublei ïa ka MLA ka 5‐Sutnga Saipung constituency Kong Santa Mary Shylla kaba la iai tynruh iaka Sorkar ba kan pyntrei noh ïa kane ka projek.
U la kyntu ïa ki Contractor ban trei shitom bad ban treibha da kaba bynrap ba ka jingpynslem ne ka jingtrei tang dep kan shetkylla ïa ka jingkyrmen jong ka imlang sahlang.
U nongialam ka JNC u la ong ba kane ka Government College ka lah ban pynkylla ia ka lad ban ioh ia ki jingpule kiba kham shalor ha East Jaintia Hills bad ban kyntiew iaka pule dangle ha baroh kawei ka jylla Meghalaya bad ula kular baka seng kan iai buddien ia kane ka Projek
 Jalaphet Circle ka la leit jurip ïa ka jaka bathmu ban tei ïa ka Government College ha ka shnong Jalaphet Bri-Sumer da kaba pynpaw ba ki kam kala sdang bad ka la ïaroh ïa ka sienjam bala shim ban kyntiew iaka pule dangle hapoh ka thaiñ.){kind=link}