Guwahati, Lber 12: Ha shwa ka elekshon sha ka iing dorbar thawain ka jylla Assam, u Myntri Rangbahduh ka ri Narendra Modi la iathuh ba un sa sdang ban sam ia ki kot patta jaka sha ki hajar ngut ki nongtrei kper sla sha ha Assam ha ka 13 tarik u Lber.
Haduh 3.5 lak tylli ki longïing ha kylleng ki 825 tylli ki jaka rep sla sha ki ieng ban ïoh jingmyntoi, da ka jingthmu ban pynlong aiñ ïa ka hok khyndew jong ki pateng kiba im ha ki lain trei khlem ki ïing khlem sem jong lajong.
Haba kren sha ki nongthoh khubor, u myntri rangbah ka Assam u Himanta Biswa Sarma u la ong, “U PM un aiti ia ka patta khyndew kaba nyngkong sha u nongtrei kper sla sha ba la buh kyrpang.Nangta yn sam ha kylleng ka jylla,”.
Ki jaitbynriew Tea Tribe bad ki Adivasi, kiba don kumba 20% na ka jingbun briew jong ka Assam, ki donbor haduh 35 na ki 126 tylli ki seat hapoh ka Assembly.
Ka jingwan jngoh jong u Myntri Rangbahduh ka ri u Narendra Modi sha Assam ha shwa ka elekshon ka long kaba donkam bha namar ba un sa sam ia ki patta khyndew sha ki riewlum sha jong ka Assam, kiba don ka bynta kaba kongsan bha ha ka por elekshon.
